كارانتين: الماتىعا قاجەتتى زاتتاردى جەتكىزۋ ءۇشىن «جاسىل ءدالىز» قۇرىلادى

«كارانتين رەجيمى كەزىندە قالاعا ءبىرىنشى قاجەتتىلىكتەگى تاۋارلاردى: ازىق- تۇلىك ونىمدەرىن، ءدارى- دارمەكتى، مەديتسينالىق ونىمدەردى، جەكە قورعانۋ جانە گيگيەنالىق قۇرالداردى جەتكىزۋ ءۇشىن «جاسىل ءدالىز» جۇزەگە اسىرىلادى. كارانتين كەزىندە بالاباقشالاردىڭ، ازىق- تۇلىك ەمەس ساۋدا ورىندارىنىڭ، ياعني بازارلاردىڭ، ازىق- تۇلىك ونىمدەرى مەن دارىلىك زاتتاردى ساتاتىن ورىنداردان باسقا ءىرى ساۋدا، ويىن- ساۋىق ورتالىقتارى مەن ساۋدا ۇيلەرىنىڭ جۇمىسى توقتاتىلادى» ، - دەدى باقىتجان ساعىنتايەۆ.

ايتا كەتۋ كەرەك، الماتى مەن نۇر- سۇلتان قالالارىندا كارانتين رەجيمى 19 -ناۋرىزدا تۇنگى ساعات 00:00 دە ەنگىزىلەدى. ازاماتتار مەن اۆتوكولىكتەردىڭ قالاعا كىرىپ- شىعۋىن شەكتەۋ ءۇشىن 27 بەكەت ورناتىلادى.