پارلامەنت ءماجىلىسى قاشىقتىقتان جۇمىس رەجيمىنە كوشەدى
مۇنداي شارا كوروناۆيرۋستىق ينفەكتسيانىڭ تارالۋ قاۋپىنە بايلانىستى ەلدە توتەنشە جاعدايدىڭ ەنگىزىلۋىنە قاتىستى قابىلداندى. قاۋىپسىزدىكتى قامتاماسىز ەتۋ ماقساتىندا پارلامەنت ءماجىلىسى عيماراتىندا پارلامەنتتىك ءىس- شارالارعا قاتىسۋشىلار مەن كەلۋشىلەر، سونىمەن قاتار بۇقارالىق اقپارات قۇرالدارىنىڭ وكىلدەرى ءۇشىن شەكتەۋ ەنگىزىلدى. ءماجىلىستىڭ بارلىق شارالارى (جۇمىس توپتارى، بەيىندى كوميتەتتەردىڭ وتىرىستارى، «ۇكىمەت ساعاتتارى» ، جالپى وتىرىستار) پالاتانىڭ رەسمي www.parlam.kz ۆەب- سايتىندا ونلاين رەجيمىندە كورسەتىلەدى.
سونداي- اق ءماجىلىستىڭ سايتىندا وتكەن شارالار تۋرالى قىسقاشا مالىمەتتەر مەن سۋرەتتەر جەدەل تۇردە جاريالانادى. سونىمەن قاتار، بارلىق قاجەتتى اقپاراتتى باسپا ءسوز قىزمەتىنەن: 746304, 746305, 746844 تەلەفوندارى ارقىلى الۋعا بولادى.
