ەلوردادا دەزينفەكسيالاۋ شارالارى كۇشەيتىلدى

بۇل تۋرالى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ حابارلايدى. اۋەجايدا جانە ۆوكزالداردا قاۋىپسىزدىك شارالارى، بازارلاردا، ساۋدا ۇيلەرىندە، ساۋدا ويىن- ساۋىق جانە باسقا دا ۇيىمداردا سانيتارلىق- دەزينفەكسيالىق رەجىم كۇشەيتىلدى. بارلىق قىزمەتكەرلەر مەديسينالىق ماسكالارمەن، انتيسەپتيكتەرمەن جانە باسقا دا قورعانىس قۇرالدارىمەن قامتاماسىز ەتىلگەن. جۇمىس ورىندارى مەن عيماراتتاردا مۇقيات وڭدەۋ جۇمىستارى جۇرگىزىلىپ جاتىر. سونداي- اق، ەلوردادا سوڭعى ايالدامالاردا ارنايى ەرىتىندىمەن اۆتوبۋستار جۋىلادى. اۆتوبۋستاردىڭ ىشىندە جولاۋشىلارعا ارنالعان انتيسەپتيكتەر بار. اۋىسىم اياقتالعاننان كەيىن اۆتوبۋستار جۋىلادى، سونىمەن قاتار زالالسىزداندىرىلادى. قالانىڭ كوممۋنالدىق قىزمەتتەرىنىڭ ماشينالارى دا دەزينفەكسيادان ءوتىپ جاتىر. سونىمەن قاتار، الەۋمەتتىك وبەكتىلەردە، دەنساۋلىق ساقتاۋ وبەكتىلەرىندە جانە قارتتار مەن مۇمكىندىگى شەكتەۋلى ادامدارعا ارنالعان مەديتسينالىق- الەۋمەتتىك وبەكتىلەردە، الەۋمەتتىك وڭالتۋ ورتالىقتارىندا، بالالار ۇيلەرىندە، مۇگەدەك بالالارعا ارنالعان وقۋ ورىندارىندا جانە ينتەرناتتىق ۇيىمداردا سانيتاريالىق- دەزينفەكتسيالىق رەجيم كۇشەيتىلدى؛ ولارعا كەلۋشىلەرگە تىيىم سالىندى.

ەلوردادا كوروناۆيرۋستىق ينفەكتسيانىڭ تارالۋىنا جول بەرمەۋ بويىنشا بارلىق شارالار قابىلداندى: جەدەل شتاب جۇمىس ىستەيدى، كوروناۆيرۋستىق ينفەكسيا جاعدايلارى انىقتالعان كەزدە ءىس- قيمىل الگوريتمى ازىرلەندى. قالا تۇرعىندارى بارلىق الدىن الۋ شارالارىن ۇستانۋى كەرەك: قولدى سابىنمەن مۇقيات جۋىپ، قول بەرىپ امانداسۋدان باس تارتۋ قاجەت. جەكە گيگيەنا زاتتارىن پايدالانىپ، گادجەتتەردى/ورگتەحنيكانى دەزينفەكتسيالاۋ، جرۆي بەلگىلەرى بار ادامدارمەن قارىم- قاتىناستى بولدىرماۋ، ۇيدەن قاجەتسىز شىقپاۋ جانە ادامدار كوپ جينالاتىن جەرلەرگە بارماۋ قاجەت.