ا ق ش- تا العاش رەت كوروناۆيرۋسقا قارسى ۆاكسينا ادامعا سالىندى

«سيەتلدە ساۋ ادامعا كوروناۆيرۋسقا قارسى ۆاكسينا سالىندى. كلينيكالىق زەرتتەۋ تۋرالى بۇگىن شەنەۋنىكتەر رەسمي تۇردە مالىمدەدى. الداعى التى اپتا بويى عالىمدار تاعى 45 ادامعا زەرتتەۋ جۇرگىزەدى. وسىلايشا ۆاكسينانىڭ قاۋىپسىزدىگى تەكسەرىلمەك» ، - دەپ جازىلعان سايت اقپاراتىندا. اۆتوردىڭ ايتۋىنشا، ۆاكتسينانى زەرتتەۋ سيەتل قالاسىندا ورنالاسقان ۆاشينگتون عىلىمي- زەرتتەۋ ينستيتۋتىندا جۇرگىزىلەدى.

«اللەرگيا جانە ينفەكسيالىق اۋرۋلاردىڭ ۇلتتىق ينستيتۋتى جاڭا ۆاكسينانى جانۋارلارعا سىناقتان وتكىزبەستەن، بىردەن ادامعا سالۋ تۋرالى شەشىم قابىلداعان. بۇل ۆاكسينانىڭ نارىققا شىعۋىن تەزدەتەدى، الايدا بۇل تەك العاشقى قادام ەكەنىن ەسكەرۋ كەرەك» ، - دەپ جازادى اۆتور. ونىڭ ايتۋىنشا، جاڭا پرەپارات كلينيكالىق سىناقتىڭ ءۇش ساتىسىنان ءوتۋى ءتيىس. ەگەر قازىرگى تەست ءساتتى اياقتالسا، وندا جاپپاي پايدالانۋعا ۆاكسينا 12-18-اي ىشىندە بەرىلەتىن بولادى. جاڭا ۆاكسينانى NIAID عالىمدارى مەن كەمبريدجدەگى Moderna Inc. بيوتەحنولوگيالىق كومپانياسىنىڭ عالىمدارى جاساعان.