يسپانيا كوروناۆيرۋسقا بايلانىستى شەكاراسىن جابادى
مادريد. قازاقپارات - يسپان بيلىگى كوروناۆيرۋسپەن كۇرەس بويىنشا شارالاردى كۇشەيتۋ اياسىندا شەتەلدىكتەر ءۇشىن قۇرلىقتاعى شەكاراسىن جابادى، دەپ حابارلايدى قازاقپارات Euronews-كە سىلتەمە جاساپ.
بۇل شەكتەۋ تەك يسپانيا ازاماتتارى، تۇرۋعا ىقتيارحاتى بار تۇلعالار، شەتەلدىك ديپلوماتتار، سونداي-اق ەلگە كىرۋگە ءماجبۇر ەكەنىن دالەلدەيتىن جاعدايى بولعاندا قولدانىلمايدى
17- ناۋرىز كۇنى تۇننەن باستاپ جانە جوعارى دابىل رەجىمى اياقتالعانعا دەيىن يسپان ازاماتتارىن، ەلدىڭ رەزيدەنتتەرىن جانە يسپان اۋماعىندا جۇمىس ىستەيتىن شەكارا ماڭىنداعى اۋدانداردىڭ تۇرعىندارىن قوسپاعاندا، بارلىق شەكارالار جابىق بولادى.
يسپان استاناسىندا ۆيرۋس جۇقتىرعان 9000 ادامنىڭ 300 دەن استامى قايتىس بولعان
كوروناۆيرۋستىڭ جاڭا ءتۇرى كاتالوندىق جەنەراليتەتتىڭ باسشىسى كيم تورادان تابىلعانى بەلگىلى بولدى. ساياساتكەر بارسەلوناداعى رەزيدەنتسياسىندا كارانتيندە جاتىپ، جۇمىسىن جالعاستىرا بەرەدى.
كەشە كوروناۆيرۋس تورانىڭ ورىنباسارى پەرە اراگونەستەن انىقتالدى. بۇعان دەيىن بىرنەشە يسپان ساياساتكەرىنەن كوروناۆيرۋس تابىلعان بولاتىن. ونىڭ ىشىندە ۇكىمەتتىڭ ەكى ءمينيسترى، يسپان پرەمەرىنىڭ جۇبايى بار.
قازىرگى جاعدايدا يسپانيا - الەم بويىنشا كوروناۆيرۋس جۇقتىرۋ جاعدايى كوپ تىركەلگەن قىتاي، يتاليا مەن يراننان كەيىنگى ءتورتىنشى مەملەكەت.
