اقتوبەدە اۋدان اكىمدىگى تۇرعىنداردى تەگىن بەتپەردەمەن قامتۋ جولىن تاپتى

قازىر اقتوبە وبلىسىندا بەتپەردەمەن قامتۋ وزەكتى پروبلەماعا اينالدى. ءدارىحانالاردا بۇعان دەيىن 20-30 تەڭگەگە ساتىلعان قورعانىش قۇرالىنىڭ باعاسى 80-100 تەڭگەگە جەتتى. «كوروناۆيرۋستىڭ الدىن الۋ ماقساتىندا ماتادان بەتپەردە تىگىپ جاتىرمىز. ەلگە ءوز پايدامىزدى تيگىزۋ ءۇشىن ماقتا ماتانى تاڭداپ الدىق. بالالارعا جانە ەرەسەكتەرگە ارنالعان ءتۇرى بار. اللەرگيا تۋدىرمايدى، ساپالى ءارى جۋىپ، ۇتىكتەپ قولدانۋعا بولادى»، - دەدى تىگىن سەحىنىڭ يەسى ءلايلا اكتۋرينا.

تەمىر اۋدانى اكىمدىگىنىڭ شەشىمىمەن بەتپەردەلەرمەن ءبىرىنشى كەزەكتە حالىققا قىزمەت كورسەتەتىن مەكەمەلەردىڭ (ح ق ك و، قازپوشتا، بانك، اۋرۋحانا مەن ءدارىحانالار) قىزمەتكەرلەرى جانە قىزمەت الۋشى تۇرعىندار قامتاماسىز ەتىلەتىن بولادى.

ازىرگە 15-20 مىڭ دانا بەتپەردەگە تاپسىرىس بەرىلدى. سۇرانىس ارتىپ جاتقان جاعدايدا قوسىمشا ازىرلەنەدى.

تىگىنشىلەردىڭ ايتۋىنشا، ءبىر بەتپەردەنى دايىنداۋ ءۇشىن 10 مينۋت ۋاقىت كەتەدى. بەتپەردە بارلىق تالاپقا ساي، ۇزاق مەرزىمدى قولدانىسقا ارنالعان. قازىرگى ۋاقىتتا تەمىر اۋدانىنداعى احۋال تۇراقتى.