ا ق ش كوروناۆيرۋستى انىقتايتىن ۆەب- سايت جاساپ جاتىر - الەمدىك باسپا سوزگە شولۋ

گرەنلانديا مەن انتاركتيدادا مۇزدىڭ ەرۋى ارتتى – BBC

گرەنلانديا مەن انتاركتيدادا مۇز 1990 -جىلعى كورسەتكىشپەن سالىستىرعاندا التى ەسە جىلدام ەرىپ جاتىر، دەپ حابارلايدى BBC . عالىمداردىڭ ايتۋىنشا، بۇعان جاھاندىق جىلىنۋ اسەر ەتۋدە.

«1992-2017 -جىلدار ارالىعىندا گرەنلانديا مەن انتاركتيدادا 6,4 تريلليون توننا مۇز ەرىگەن. سونىڭ ناتيجەسىندە تەڭىزدىڭ جاھاندىق دەڭگەيى 17,8 م م- گە كوتەرىلگەن»، - دەيدى ۇلى بريتانياداعى ليدس ۋنيۆەرسيتەتىنىڭ پروفەسسورى ەندريۋ شەپارد. ونىڭ ايتۋىنشا، مۇز ەرۋىنىڭ قازىرگى جىلدامدىعى تەڭىز جاعالاۋىنداعى اۋماقتاردىڭ سۋ استىندا قالۋىنا جانە جەردىڭ ەروزياسىنا الىپ كەلەدى.

«ەگەر وسى قارقىن ساقتالاتىن بولسا، 2100 -جىلعا قاراي جىل سايىن 400 ميلليون ادام سۋ باسۋ قاۋپىن سەزىنەتىن بولادى»، - دەپ جازادى باسىلىم.

ايتا كەتۋ كەرەك، گرەنلانديا مەن انتاركتيدا 1990 -جىلدارى جىلىنا 81 ميلليارد توننا مۇزدان ايىرىلسا، 2010 -جىلى بۇل كورسەتكىش جىلىنا 475 ميلليارد تونناعا جەتكەن.

جۇمىسقا ۆەلوسيپەدپەن بارۋ قاۋىپتى - CNN

جاڭا زەرتتەۋ ناتيجەسىندە انىقتالعانداي، جۇمىسقا ۆەلوسيپەدپەن بارۋ باسقا كولىك قۇرالدارىنا قاراعاندا قاۋىپتى بولىپ شىقتى. عالىمدار ۆەلوسيپەدپەن ءجۇرۋ فيزيكالىق فورما مەن دەنساۋلىق ءۇشىن پايدالى بولعانىمەن، ونىڭ قاۋىپتى ەكەنىن انىقتادى، دەپ جازادى CNN.

« ۆەلوسيپەدپەن ءجۇرۋ جاراقات الۋ قاۋپىن ارتتىرادى. ءدال سول سەبەپتى ۇلى بريتانيا حالقىنىڭ تەك 4 پايىزى ۆەلوسيپەدپەن جۇرەدى. ال نەگىزىنەن، حالىقتىڭ 40 پايىزىندا ۆەلوسيپەد بار. ولاردىڭ بارلىعى جۇمىسقا ۆەلوسيپەدپەن بارۋ قاۋىپتى دەپ ەسەپتەيدى» ، - دەپ جازادى باسىلىم.

اۆتوردىڭ ايتۋىنشا، گلازگو ۋنيۆەرسيتەتىنىڭ عالىمدارى ۇلىبريتانيانىڭ 230 مىڭنان استام ازاماتتارىنىڭ قاتىسىمەن زەرتتەۋ جۇرگىزدى. ولار انىقتاعانداي، وسى ادامداردىڭ 45 پايىزىنان استامى ۆەلوسيپەدپەن جۇمىسقا بارا جاتقاندا جاراقات العان. «زەرتتەۋگە قاتىسۋشىلار 8,9 جىل باقىلاۋدا بولدى. قوعامدىق دەنساۋلىق ساقتاۋ ۇيىمدارى بۇل زەرتتەۋ ۆەلوسيپەدپەن جۇرەتىندەر ءۇشىن قاۋىپسىزدىكتى ارتتىرۋ قاجەتتىلىگىن كورسەتكەنىن ايتتى»، - دەپ جازادى اۆتور.

ا ق ش كوروناۆيرۋستى انىقتايتىن سايت جاسايدى – Bloomberg

ا ق ش- تا Google كومپانياسىنىڭ قولداۋىمەن ادامدارعا ءوز بەتىمەن كوروناۆيرۋس بەلگىلەرىن تەكسەرۋگە مۇمكىندىك بەرەتىن سايت جاسالادى. بۇل تۋرالى ا ق ش پرەزيدەنتى دونالد ترامپ ايتتى، دەپ جازادى Bloomberg.

« پرەزيدەنتتىڭ ايتۋىنشا، سايتتا ونلاين سۇراقتار بولادى. سونىڭ ناتيجەسىندە ازاماتتارعا كوروناۆيرۋسقا تەست تاپسىرۋ قاجەتتىلىگى انىقتالاتىن بولادى. ال تەست Walmart جانە Target سۋپەرماركەتتەرىنىڭ اۆتوتۇراقتارىندا قولجەتىمدى بولادى. سايت ناقتى قالاي جۇمىس ىستەيتىنى جانە قاشان ىسكە قوسىلاتىنى ءالى بەلگىسىز»، - دەپ جازادى باسىلىم.

ايتا كەتۋ كەرەك، قازىرگى تاڭدا اقشتىڭ 48 شتاتىندا كورونايۆرۋس انىقتالدى. كوروناۆيرۋس جۇقتىرعاندار امەريكادا 2 مىڭنان ءوستى.

كوروناۆيرۋس: ب ۇ ۇ قىزمەتكەرلەرى قاشىقتىقتان جۇمىس ىستەۋگە كوشتى - UN News

ب ۇ ۇ شتاب- پاتەرىنىڭ قىزمەتكەرلەرى كورونايۆرۋس كەسىرىنەن اشىقتىقتان جۇمىس ىستەۋگە كوشتى. بۇل تۋرالى ب ۇ ۇ جاڭالىقتار قىزمەتى - UN News سايتى حابارلادى. «ب ۇ ۇ باس حاتشىسى انتونيۋ گۋتەرريش 16 - ناۋرىز - 12 - ءساۋىر ارالىعىندا بارلىق قىزمەتكەرلەر ۇيدەن جۇمىس ىستەيتىنى تۋرالى شەشىم قابىلدادى. قاجەتتىلىك تۋىنداعان جاعدايدا، مەزىم ۇزارتىلادى»، - دەپ جازىلعان حابارلامادا.

سونىمەن قاتار اقپاراتتا ناقتى نۇسقاۋلىقتارعا جۇگىنۋ كەرەكتىگى ايتىلعان. «دۇنيەجۇزىلىك دەنساۋلىق ساقتاۋ ۇيىمىنىڭ نۇسقاۋلىقتارىن بارىنشا ساقتاپ، ۆيرۋستىڭ تارالۋىن باسەڭدەتۋ ماڭىزدى»، - دەپ جازىلعان اقپاراتتا.