قاجەت بولسا، توتەنشە جاعداي رەجيمى ۇزارتىلادى - پرەزيدەنت

«توتەنشە جاعداي 2020 -جىلدىڭ 16 - ناۋرىزىندا تاڭەرتەڭگى 8 دەن باستالادى جانە 30 كۇنگە سوزىلادى. قاجەت بولعان جاعدايدا رەجيم ۇزارتىلۋى مۇمكىن. ارنايى جارلىقتا قاجەتتى الدىن- الۋ جانە الدىن- الۋ شارالارى قاراستىرىلعان» ، - دەدى مەملەكەت باسشىسى. ونىڭ ايتۋىنشا، قوعامدىق ءتارتىپتى قورعاۋ كۇشەيتىلىپ، بۇقارالىق شارالاردى وتكىزۋگە تىيىم سالىندى. «كوپتەگەن قازاقستاندىقتار الداعى مەرەكەلەرگە جوسپار قۇردى، كەي ادامدار كونسەرتتەرگە، كەي ادامدار سپورت جارىستارىنا قاتىسقىسى كەلدى. وكىنىشكە قاراي، بارلىعىمىزدىڭ دەنساۋلىعىمىز ءۇشىن شەكتەۋ جاساۋعا تۋرا كەلەدى» ، - دەدى پرەزيدەنت.

بۇعان دەيىن پرەزيدەنت وتاندىق كاسىپكەرلەردى قولداۋعا جانە جاڭا جۇمىس ورىندارىن قۇرۋعا ەڭ كەمى 300 ميلليفرد تەڭگە بولىنەتىنىن حابارلاعان ەدى. ىشكى نارىقتى تولتىرىپ، ءوندىرىستى ىنتالاندىرۋ ءۇشىن «قاراپايىم زاتتار ەكونوميكاسى» باعدارلاماسىن قارجىلاندىرۋ ارتادى. سونداي- اق، پرەزيدەنت كوروناۆيرۋس پاندەمياسىنا قاتىستى توتەنشە جاعداي بويىنشا جارلىق قابىلدادى.