قازاقستاندا توي-تومالاق وتكىزۋگە تىيىم سالىندى

بۇل تىيىم تۋرالى پرەزيدەنتتىڭ توتەنشە جاعدايدىڭ جاريالاناتىنى تۋرالى جارلىعىندا جازىلعان، دەپ حابارلايدى قازاقپارات ءتىلشىسى.

«ويىن-ساۋىق، سپورتتىق جانە باسقا دا بۇقارالىق ءىس-شارالاردى، سونداي-اق وتباسىلىق، سالت-ءداستۇر ءىس-شارالارىن وتكىزۋگە تىيىم سالىنسىن»، - دەلىنگەن پرەزيدەنتتىڭ جارلىعىندا. ايتا كەتسەك بۇگىن قازاقستان رەسپۋبليكاسىندا توتەنشە جاعداي ەنگىزىلدى.

بۇل تۋرالى جارلىققا ق ر پرەزيدەنتى قول قويدى. جارلىققا سايكەس ويىن-ساۋىق ورتالىقتارىنىڭ، كينوتەاترلار مەن تەاترلاردىڭ جۇمىسى توقتاتىلىپ، قازاقستان رەسپۋبليكاسىنا كەلەتىن حالىقارالىق ۇيىمدار دەلەگاتسيالارىنىڭ مۇشەلەرىن قوسپاعاندا ەل اۋماعىنا كولىكتىڭ بارلىق تۇرلەرىمەن كىرۋگە، سونداي-اق ونىڭ اۋماعىنان شىعۋعا شەكتەۋلەر بەلگىلەندى.