قازاقستاندا مەديتسينالىق تەكسەرۋدەن باس تارتقان ادامدارعا جاۋاپكەرشىلىك كۇشەيتىلەدى
نۇر-سۇلتان. قازاقپارات - مەملەكەت باسشىسى ۇكىمەتكە مەديتسينالىق تەكسەرۋدەن جانە ەمدەلۋدەن، كارانتيندىك رەجيمدى ساقتاۋدان باس تارتاتىن ادامدارعا جاۋاپكەرشىلىكتى كۇشەيتۋدى جۇكتەدى، دەپ حابارلايدى قازاقپارات ءتىلشىسى.
«توتەنشە جاعداي رەجيمىن قامتاماسىز ەتۋ ءۇشىن قازاقستان رەسپۋبليكاسىنىڭ ۇكىمەتى رەزەرۆىنەن قاجەتتى قاراجاتتاردى ءبولسىن. مەديتسينالىق تەكسەرۋدەن جانە ەمدەلۋدەن، كارانتيندىك رەجيمدى ساقتاۋدان باس تارتاتىن، ەپيدەميولوگيالىق جاعدايدى ايقىنداۋ ءۇشىن ماڭىزى بار دەرەكتەردى جاسىراتىن ادامدارعا باقىلاۋ، سونداي-اق اتالعان ادامداردىڭ جاۋاپتىلىعىنىڭ شارالارى كۇشەيتىلسىن. ورتالىق جانە جەرگىلىكتى مەملەكەتتىك ورگاندارمەن بىرلەسىپ، قازاقستان رەسپۋبليكاسىنىڭ اۋماعىندا COVID-19 كوروناۆيرۋسىنىڭ تارالۋىن بولدىرماۋ ماقساتىندا وسى جارلىقتى ىسكە اسىرۋ جونىندە وزگە دە شارالاردى قابىلداسىن»، - دەلىنگەن پرەزيدەنتتىڭ جارلىعىندا.
قازاقستان رەسپۋبليكاسىندا توتەنشە جاعداي ەنگىزۋ تۋرالى پرەزيدەنت جارلىعى بۇگىننەن باستاپ كۇشىنە ەندى.
اۆتور: ايان بەكەن ۇلى