08:22, 15 - ناۋرىز 2020 | GMT +5
تۇركىستان وبلىسىنداعى قوجا احمەت ياساۋي مەن وزگە دە ءبىرقاتار كەسەنە ۋاقىتشا جابىلادى
تۇركىستان. قازاقپارات - تۇركىستان قالاسىنداعى «ازىرەت سۇلتان» مەملەكەتتىك تاريحي- مادەني قورىق- مۋزەيى ۋاقىتشا كەلۋشىلەر ءۇشىن ءوز جۇمىسىن ۋاقىتشا توقتاتادى.
بۇل شارالار كوروناۆيرۋستىق ينفەكسيانىڭ تارالۋىنا جول بەرمەۋ شارالارى اياسىندا قولعا الىنىپ وتىر، دەپ حابارلايدى قازاقپارات ءتىلشىسى. مۋزەيدىڭ باسپا ءسوز قىزمەتىنىڭ مالىمەتىنشە، اعىمداعى جىلدىڭ 16-ناۋرىزىنان باستاپ قوجا احمەت ياساۋي، ءرابيا سۇلتان بەگىم كەسەنەسى، ساۋران قالاشىعى، ۇكاشا اتا، ءالقوجا اتا، گاۋحار انا كەسەنەلەرى مەن كۇلتوبە قالاشىعىنا كەلۋشىلەر ءۇشىن دە ۋاقىتشا شەكتەۋ قويىلادى. زيارات ورىندارىنىڭ ناقتى قاشان اشىلاتىنى ازىرگە بەلگىسىز بولىپ تۇر.
