نۇر-سۇلتاندا كوروناۆيرۋسقا كۇدىكتى ادامدارعا قانشا ورىن دايىندالدى؟
نۇر-سۇلتان. قازاقپارات - نۇر-سۇلتاندا ناۋقاستار مەن كوروناۆيرۋسقا كۇدىكتى ادامدار ءۇشىن 500 دەن استام ورىن دايىندالدى، - دەپ حابارلايدى Tengrinews.kz ءتىلشىسى.
«نۇر-سۇلتاندا كوروناۆيرۋس انىقتالعان ادامداردى ەمدەۋ جانە دياگنوستيكالاۋ ءۇشىن توسەك- ورىندار جايلى. كوروناۆيرۋس راستالعان ادامدار ءۇساناتىنا ارنايى ستاتسيونارلار بار. بۇل جاعدايعا 210 توسەك قاراستىرىلدى. كەلەسى ءتۇرى - پروۆيزورلىق ستاتسيونار. 300 دەن استام توسەك ۆيرۋس جۇقتىرعاندارمەن جاقىن بايلانىستا بولعان ادامدار توبى ءۇشىن جوسپارلانعان. بۇگىنگى تاڭدا توسەك قورى جەتكىلىكتى»، - دەدى نۇر-سۇلتان قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا.
ەسكە سالايىق، قازاقستاندا كوروناۆيرۋس ينفەكسياسىمەن اۋىرىپ جاتقان بارلىعى 6 ادام بار. ستاتسيونارلىق كارانتيندە 1090 ادام، ءۇي كارانتينىندە 452 ادام جاتىر.
نۇر-سۇلتاندا 2 جاعداي، الماتىدا 4 جاعداي تىركەلدى.
كوروناۆيرۋس جۇقتىرعان جولاۋشىمەن ۆارشاۆادان نۇر-سۇلتانعا 86 ادام ۇشىپ كەلگەن. بۇل ەكىنشى وقيعا.
ال ءبىرىنشى جاعدايدا كوروناۆيرۋس جۇقتىرعان اداممەن ۇشقان 53 جولاۋشى نۇر-سۇلتاندا كارانتينگە جاتقىزىلدى. بورتتا بارلىعى 89 جولاۋشى بولعان.
