الماتىدا ناۋرىز مەيرامى كەزىندە تەراكت ۇيىمداستىرماق بولعان كۇدىكتى قولعا ءتۇستى – ۇ ق ك

«2020 -جىلعى 13-ناۋرىزدا ۇلتتىق قاۋىپسىزدىك كوميتەتى جەدەل- ىزدەستىرۋ شارالارىنىڭ ناتيجەسىندە الماتى قالاسىندا «د ا ي ش» (قازاقستاندا تىيىم سالىنعان) حالىقارالىق تەرروريستىك ۇيىمى يدەولوگياسىن ۇستانۋشىنى ۇستاپ، سوت سانكسياسىمەن قاماۋعا الدى. تۇتقىندالعان ادام ناۋرىز مەيرامىن مەرەكەلەۋ كەزىندە حالىق كوپ شوعىرلانعان ورىنداردا تەراكت دايىندادى دەپ كۇدىكتەلۋدە. تەرگەۋ ءىس- قيمىلدارى بارىسىندا ودان ەكى جاۋىنگەرلىك گراناتا الىندى» دەلىنگەن حابارلامادا.

ايتا كەتەيىك، كۇدىكتىگە قاتىستى قازاقستان رەسپۋبليكاسى قىلمىستىق كودەكسىنىڭ 255 (تەرروريزم اكتىسى) جانە 258 (تەرروريستىك نەمەسە ەكسترەميستىك ارەكەتتى قارجىلاندىرۋ جانە تەرروريزمگە نە ەكسترەميزمگە وزگە دە دەم بەرۋشىلىك) باپتارى بويىنشا قىلمىستىق ىستەر قوزعالدى. تەرگەۋ جالعاسۋدا.