سەمەيدە كارانتينگە جاتقىزىلعان وڭتۇستىك افريكا ازاماتىنان كوروناۆيرۋس تابىلمادى

«جەدەل جاردەم ارقىلى ينفەكسيالىق ستاتسيونارعا جەتكىزىلگەن و ا ر ازاماتىنىڭ تەست ناتيجەلەرى الىندى. COVID 2019 ۆيرۋسىنا تاپسىرىلعان تەست تەرىس ناتيجە كورسەتكەنىن حابارلايمىز»، - دەدى وبلىستىق اكىمدىكتە.

اكىمدىك قازىرگى ۋاقىتتا شىعىس قازاقستان وبلىسىندا كوروناۆيرۋس جوق ەكەنىن اتاپ ءوتتى.

ەسكە سالا كەتەيىك، كەشە سەمەيدە 71 جاستاعى وڭتۇستىك افريكا رەسپۋبليكاسىنىڭ ازاماتى دەنە قىزۋى كوتەرىلىپ، تۇماۋراتىپ اۋرۋحاناعا جەتكىزىلگەن بولاتىن. ول ش ق و-عا تەحنيكالىق جينالىسقا دۋباي جانە نۇر-سۇلتان ارقىلى ترانزيتپەن كەلگەن. ارەكەت ەتۋ الگوريتمىنە سايكەس، جەدەل جاردەم ستانساسىنىڭ قىزمەتكەرلەرى پاتسيەنتتى قورعانىش كوستيۋمدەرى ارقىلى ينفەكسيالىق ستاتسيونارعا جەتكىزگەن.