الماتىداعى كوروناۆيرۋس جۇقتىرعان ادامداردىڭ قازىرگى جاعدايى قانداي

تىلەۋحان ابىلدايەۆتىڭ ايتۋىنشا، كوروناۆيرۋس جۇقپاسى تابىلعان تۇلعالاردىڭ جاعدايى تۇراقتى.

«ءبىر پاتسيەنت 9 -ناۋرىزدا الماتىعا كەلگەن. 1ب ساناتى بويىنشا ءۇي كارانتينىندە جاتقان. ەكىنشى پاتسيەنت 12 -ناۋرىز تۇندە گەرمانيادان كەلدى. بۇل ۋاقىتتا بۇل ەل 1ا ساناتىنا وتكەن. سول ءۇشىن كەلگەن 12 جولاۋشى ەكيپاجبەن بىرگە ي. جەكەنوۆا اتىنداعى ينفەكسيالىق اۋرۋحانادا ستاتسيونارعا وقشاۋلانعان. بارلىعى د د ۇ پروتوكولىنا ساي ەمدەلىپ جاتىر. قازىر بارلىعى 1 سانات بويىنشا كوپروفيلدى ستاتسيونارلاردا 476 ادام جاتىر. №1 كوپبەيىندى مەديتسينالىق ورتالىقتا - 197, 2 -اۋرۋحانادا - 168 ادام، №1 اۋرۋحانادا - 111 ادام كارانتيندە جاتىر» ، - دەدى ت. ابىلدايەۆ.

باسقارما باسشىسىنىڭ ايتۋىنشا، قالادا قاجەتتى ءدارى دارمەك پەن زارارسىزداندىرۋ قۇرالدارى جەتكىلىكتى.