ەلوردالىق اۆتوبۋستار بۇدان بىلاي كۇنىنە ەكى رەت دەزينفەكسيالانادى

13 - ناۋرىزدان باستاپ №1 اۆتوبۋس پاركىندە جىلجىمالى قۇرامدى زارارسىزداندىرۋ جۇمىستارى جۇرگىزىلەدى. اۆتوپارك 70 باعدار بويىنشا قىزمەت كورسەتەدى، ونىڭ ىشىندە 40 قالالىق، 6 ەكسپرەسس جانە قالا ماڭىنا قاتىنايتىن 24 باعدار بار. جالپى اۆتوبۋس سانى - 661.

«بۇگىننەن باستاپ جۇرگىزۋشىلەر سوڭعى ايالدامالاردا كۇنىنە ەكى رەت اۆتوبۋستاردىڭ ءىشىن، ياعني ادام قولى تيىەتىن جەرلەردى: شىنتاقشالاردى، ەسىك تۇتقالارىن، ورىندىقتار مەن ۆاليداتورلاردى دەزينفەكسيالايدى. تابلەتكالار «س-01» دەپ اتالادى. ءونىم قازاقستاندا جاسالعان. بۇل دەزينفەكتسيالىق ەرىتىندى اللەرگيا تۋدىرمايدى جانە ەشقانداي ءيىس شىعارمايدى» دەلىنگەن حابارلامادا.

اۋىسىم اياقتالعاننان كەيىن باعدارلار جۋۋ ورنىنا كىرەدى، وندا بارلىعىن كولىك جۋۋشىلار تازارتادى.

بۇگىندە ەلوردا قوعامدىق كولىگىنە 6 اۆتوبۋس پاركى قىزمەت كورسەتەدى. باعدارلىق جەلى 93 مارشرۋتتان تۇرادى، ونىڭ ىشىندە 63 قالالىق، 6 ەكپرەسس جانە قالا ماڭىنا قاتىنايتىن 24 باعدار بار. كۇن سايىن 800 گە جۋىق اۆتوبۋس لينياعا شىعادى. قازىرگى ۋاقىتتا بارلىق باعدارلار بەكىتىلگەن كەستەگە سايكەس قاتىنايدى.

اۆتوبۋستاردى سوڭعى ايالدامادا دەزينفەكسيالىق ەرىتىندىلەرمەن زارارسىزداندىرۋ ءۇشىن CTS كومپانياسى ەلوردانىڭ بارلىق اۆتوبۋس پاركتەرىنە حاتتار جولدادى.