كوروناۆيرۋس جۇقتىرعان جولاۋشى انىقتالعان «فرانكفۋرت- الماتى» رەيسىندە قاي ەلدەردىڭ ازاماتتارى بولدى

«فرانكفۋرت- الماتى» اۋە باعدارى تۇراقتى رەيس بولىپ سانالادى جانە جولاۋشىلار ورتاق تەرمينال ارقىلى شىقتى. ءبىز 73 جولاۋشىنى انىقتادىق، ونىڭ 41- ءى قازاقستان ازاماتى، ال قالعاندارى باسقا ەلدەردىڭ تۇرعىندارى. اتاپ ايقاندا، ەڭ كوبىسى گەرمانيا ازاماتتارى بولسا، 16-سى باسقا ەلدەردىڭ ازاماتتارى»، - دەدى مينيستر ورتالىق كوممۋنيكاتسيالار قىزمەتىندەگى بريفينگتە.

دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس ينفەكسياسىن جۇقتىرعان قازاقستاننىڭ ەكى ازاماتى گەرمانيادان كەلگەنىن ءمالىم ەتتى.

سونىمەن قاتار كوروناۆيرۋس جۇقتىرعان قازاقستان ازاماتتارىمەن ءبىر بورتتا بولعان جولاۋشىلار كارانتينگە جاتقىزىلاتىنى ايتىلدى.

«ەكەۋى دە قازاقستانعا ۇشاقپەن ۇشىپ كەلگەن. بورتتا كوروناۆيرۋستى جۇقتىرعاندارمەن بىرگە بولعانداردىڭ ءبارى دە كارانتينگە جاتقىزىلادى. ياعني، 9- ناۋرىزدا بىرگە ۇشقان 73 ادامنىڭ كىم ەكەنى انىقتالدى. ولار باقىلاۋدا. قايدا ەكەنىن بىلەمىز. كارانتينگە جاتقىزۋ شارالارىنا كىرىستىك. ولار اۋرۋ ادامدار ەمەس»، - دەدى ە. ءبىرتانوۆ.

اۆتور: رۋسلان عابباسوۆ