تۇركيادا كورونوۆيرۋس جۇقتىرعان ەكىنشى ادام انىقتالدى
انكارا. انادولى- قازاقپارات - تۇركيادا كوروناۆيرۋس جۇقتىرۋعا قاتىستى ەكىنشى جاعدايى تىركەلدى، دەپ حابارلايدى قازاقپارات انادولى اگەنتتىگىنە سىلتەمە جاساپ.
جۇما كۇنى ەلدىڭ دەنساۋلىق ساقتاۋ ءمينيسترى فاحرەتتين كودجا Twitter- دە وسىلاي جازدى.
دەنساۋلىق ساقتاۋ مينيسترلىگىنىڭ باسشىسى 12 -ناۋرىز كۇنى كەشكىسىن الىنعان تالداۋ وڭ ناتيجە كورسەتكەنىن حابارلادى. ونىڭ ايتۋكىنشا، تۇركيادا كوروناۆيرۋستى جۇقتىرعان ەكىنشى ادام ءبىرىنشى جۇقتىرعان اداممەن بايلانىستا بولعان.
«وكىنىشكە قاراي، ءبىزدىڭ بولجامىمىز اقتالدى. تاعى بىرەۋ اۋرۋ جۇقتىردى. ول ءبىرىنشى ادام انىقتالعاننان كەيىن بىردەن كارانتينگە الىندى. ءبىز جاعدايدى باقىلاۋعا الۋ ءۇشىن قولدان كەلگەننىڭ ءبارىن ىستەپ جاتىرمىز. بۇل ماسەلەنى بىرلەسىپ شەشە الامىز» ، - دەپ جازدى كودجا.
دۇنيەجۇزىلىك دەنساۋلىق ساقتاۋ ۇيىمى كوروناۆيرۋستى پاندەميا دەپ باعالادى.
