جاپونيادا جەرگىلىكتى تۇرعىن كوروناۆيرۋستى ادەيى جۇقتىردى دەگەن كۇدىككە ءىلىندى
توكيو. Kyodo - قازاقپارات - وسى ايدا كوروناۆيرۋس تابىلعان جاپونيانىڭ ايتي پرەفەكتۋراسىنىڭ تۇرعىنى ادەيى ينفەكسيا جۇقتىردى دەگەن كۇدىككە ءىلىندى.
بۇل تۋرالى جۇما كۇنى Kyodo اگەنتتىگى حابارلادى.
گاماگوري قالاسىنىڭ 50 دەن اسقان تۇرعىنىنان ناۋرىز ايىنىڭ باسىندا كوروناۆيرۋس تابىلدى. ەر ادامدى تەك كەلەسى كۇنى جۇقپالى اۋرۋلار بولىمىنە جىبەرۋگە مۇمكىن بولعان، سوندىقتان دارىگەرلەر ودان ۇيدە قالىپ، وقشاۋلانۋىن سۇراعان. الگى ونىڭ ورنىنا بۇدان بۇرىن كوروناۆيرۋس تابىلعان تۋىستارىنا «ۆيرۋس تاراتقىسى كەلەتىندىگىن» ايتىپ، ەكى بارعا بارعان. سونداي- اق بارلاردىڭ بىرىندە كوروناۆيرۋس جۇقتىرعانىن ايتادى. مۇنى ەستىگەن ونىڭ قىزمەتكەرلەرى شۇعىل پوليسيا مەن دەنساۋلىق ساقتاۋ قىزمەتىنە حابارلاسقان.
قازىر پوليسيا مەن جاپونيانىڭ دەنساۋلىق ساقتاۋ مينيسترلىگىنىڭ قىزمەتكەرلەرى ەر اداممەن بايلانىستا بولعانداردى انىقتاپ، ول كىرگەن بارلاردى تولىقتاي دەزينفەكسيالاپ جاتىر.
