ب ۇ ۇ حاتشىلىعى قاشىقتىقتان جۇمىس ىستەۋ رەجيمىنە كوشتى
نۇر-سۇلتان. قازاقپارات – ب ۇ ۇ حاتشىلىعى قاشىقتىقتان جۇمىس ىستەۋ رەجيمىنە كوشتى. بۇل تۋرالى قازاقستاننىڭ ب ۇ ۇ جانىنداعى تۇراقتى وكىلىنىڭ كەڭەسشىسى ءانۋار جايناقوۆ ءوزىنىڭ Facebook پاراقشاسىندا جازدى.
«تۋريستەرگە ارنالعان بارلىق ەكسكۋرسيالار توقتاتىلدى، عيماراتقا دەزينفەكتسيالىق سۇيىقتىقتارى بار قوندىرعىلار ورناتىلدى. ينفەكتسيانىڭ تارالۋ قاۋپىن ازايتۋ بويىنشا بارلىق شارالار قابىلدانۋدا. ب ۇ ۇ باس حاتشىسى انتونيۋ گۋتەرريش بۇگىن ب ۇ ۇ شتاب- پاتەرىندە 16- ناۋرىزدان باستاپ ءساۋىر ايىنىڭ سوڭىنا دەيىن بارلىق سايد-يۆەنتتەردى (ىلەسپە ءىس-شارالاردى) الىپ تاستادى. حاتشىلىقتىڭ قىزمەتكەرلەرى اپتاسىنا ءۇش كۇنگە دەيىن (اۋرۋعا جوعارى قاۋپى بار ادامدارعا 5 كۇنگە دەيىن) قاشىقتىقتان جۇمىس ىستەۋ رەجيمىنە كوشتى. ب ۇ ۇ ۇيىمدارىنىڭ كوپتەگەن رەسمي وتىرىسى قىسقارتىلعان رەجيمگە كوشەدى نەمەسە قاشىقتىقتان وتەدى»، - دەپ جازدى ءانۋار جايناقوۆ.
سونداي-اق ول جاقىن ارادا ءوتۋى ءتيىس بارلىق اۋقىمدى شارالاردىڭ توقتاتىلاتىنىن نەمەسە كەيىنگە قالدىرىلاتىنىن ايتادى. ونىڭ ىشىندە ناۋرىز مەرەكەسى، ب ۇ ۇ جاستار فورۋمى، ەكوسوس سەرىكتەستەر فورۋمى جانە ت. ب. بار.
ۇلى بريتانيا، دانيا، كانادا، شۆەيتساريا، جاڭا زەلانديا، يرلانديا، برازيليا، فيدجي، مالتا، نورۆەگيا، پاراگۆاي، سلوۆاكيا، اۋستراليا، كيريباتي جانە باسقا دا ەلدەردىڭ بۇۇ جانىنداعى تۇراقتى وكىلدىكتەرى وزدەرىنىڭ وفيستەرىن جاۋىپ، تولىعىمەن قاشىقتىقتان جۇمىس ىستەۋ رەجيمىنە ءوتتى.
«اسىرەسە ارىپتەستەرىنىڭ، ب ۇ ۇ- دا جۇمىس ىستەيتىن شەتەلدىك ديپلوماتتاردىڭ ءبىرىنىڭ كوروناۆيرۋس ينفەكتسياسىن جۇقتىرعانى تۋرالى حاباردان كەيىن جاعداي ەرەكشە الاڭداۋشىلىق تۋدىرعان»، - دەپ جازدى.
