ازەربايجاندا كارانتيندە جاتقان ايەل كوز جۇمدى
باكۋ. Trend-قازاقپارات - 1969-جىلى تۋعان ازەربايجان ازاماتشاسى يراننان ەم قابىلداپ، ەلگە كەلگەننەن كەيىن اۋىرىپ، اۋرۋحاناعا بارعان، دەپ حابارلايدى قازاقپارات Trend اگەنتتىگىنە سىلتەمە جاساپ.
«تەكسەرۋ بارىسىندا ودان اۋىر ساتىداعى اۋتويممۋندىق اۋرۋ، اتاپ ايتساق، قىزىل جەگى، سوڭعى ساتىداعى اۋىر سوزىلمالى بۇيرەك اۋرۋى انىقتالعان»، دەپ حابارلادى مينيسترلەر كابينەتى جانىنداعى جەدەل شتاب.
سونىمەن قاتار، ناۋقاس كوروناۆيرۋس جۇقتىرعان.
«ەرەكشە رەجىمدەگى اۋرۋحاناعا جاتقىزىلعان پاتسيەنتتىڭ دەنساۋلىق جاعدايى ورتاشا دەپ باعالاندى، ونى ەمدەۋ ءۇشىن ءتيىستى شارالار قابىلداندى.
بارلىق ەمدەۋ شارالارىنا قاراماستان اۋىر اۋتويمۋندىق اۋرۋىنىڭ اسقىنۋىنا بايلانىستى ونىڭ ءومىرىن ساقتاپ قالۋ مۇمكىن بولمادى»، دەلىنگەن حابارلامادا.
