قارجى پيراميداسىنىڭ تاعى ءبىر باسشىسى ۇستالدى
ەلدەن سىرت اۋماقتاعى ونىڭ قوزعالىس باعىتىن قازاقستان ىشكى ىستەر ءمينيسترىنىڭ قىزمەتكەرلەرى انىقتاعان. اسەت ىسقاقوۆ شەكارانى بيىلعى اقپار ايىندا كەسىپ ءوتىپ، بىشكەك قالاسىندا جاسىرىنىپ جۇرگەن.
«قازاقستان جانە قىرعىزستان پوليسەيلەرىنىڭ بىرلەسكەن ءىس- قيمىلىنىڭ ارقاسىندا ىزدەۋدەگى ىسقاقوۆ كورشى ەلدەن ۇستالىپ، بىشكەك قالاسىنىڭ ۋاقىتشا ۇستاۋ اباقتىسىنا جەتكىزىلدى. قىرعىز رەسپۋبليكاسىنىڭ قۇزىرلى ورگاندارىنا ونى ەكستراديسيالاۋ جونىندە ماتەريالدار جىبەرىلدى. وسىلايشا، ەلدەن قاشىپ كەتكەن بارلىق ءۇش كومپانيانىڭ باسشىلارى بۇگىنگى كۇنى قاماۋعا الىندى. پوليسەيلەردىڭ جەدەل- تەرگەۋ شارالارىنىڭ ناتيجەسىندە 17 كۇدىكتى ۇستالدى. ىشكى ىستەر ورگانى 42 مىڭنان استام قازاقستاندىقتىڭ مۇلكى مەن اقشا قاراجاتىن الاياقتىق جولمەن يەمدەنگەن «گارانت 24 لومبارد» ج ش س، «ەstate لومبارد» ج ش س جانە «ءتيىمدى زايم» ج ش س قارجى پيراميدالارىنىڭ باسشىلارىنا قاتىستى سوتقا دەيىنگى تەرگەۋدى جالعاستىرۋدا» ، - دەلىنگەن مالىمەتتە.
ايتا كەتەيىك، 27 - اقپان كۇنى ق ر ءى ءى م سۇراتۋى بويىنشا مولدوۆا رەسپۋبليكاسىنىڭ كيشينەۋ قالاسىندا ءتارتىپ ساقشىلارى «گارانت 24 لومبارد» ج ش س نەگىزىن قالاعان اسلان مۇرزابەكوۆتى ۇستادى.
ال 28 - اقپاندا قازاقستان مەن رەسەي شەكاراسىندا «ءتيىمدى زايم» ج ش س نەگىزىن قالاعان جانبولات ەسىركەپوۆ قولعا ءتۇستى.
