ارمەنيادا كوروناۆيرۋس جۇقتىرۋدىڭ جاڭادان ءۇش جاعدايى تىركەلدى

پرەمەر- ءمينيستردىڭ ايتۋىنشا، كوروناۆيرۋس يتاليادان كەلگەن ءۇش جولاۋشىدان انىقتالعان.

ءۇش جولاۋشىنىڭ ەكەۋى 45 جانە 27 جاستاعى ارمەنيا ازاماتى بولسا، بىرەۋى ارمەنيادا جۇمىس ىستەيتىن 51 جاستاعى يتاليا ازاماتى.

«وكىنىشكە وراي، بۇگىن بىزدە كوروناۆيرۋس جۇقتىرعان ءۇش جاڭا جاعداي انىقتالدى. ولاردىڭ ۇشەۋى دە يتاليادان كەلگەن. يتاليا ازاماتى مەن ارمەنيالىق ەكى ازاماتتىڭ بىرەۋىندە ەشقانداي شاعىم جوق. ال ارمەنيالىق ەكىنشى ازاماتتىڭ وكپەسى قابىنعان» ، - دەيدى نيكول پاشينيان Facebook تەگى پاراقشاسىندا.

پرەمەر- ءمينيستردىڭ ايتۋىنشا، اۋرۋ جۇقتىرعاندار كىمدەرمەن قارىم- قاتىناستا بولعانى انىقتالىپ جاتىر.

ەسكە سالا كەتسەك، ارمەنيادا COVID-19-عا شالدىعۋدىڭ العاشقى جاعدايى 1 - ناۋرىزعا قاراعان ءتۇنى انىقتالدى. ول يراننان كەلگەن 29 جاستاعى ارمەنيا ازاماتى بولىپ شىقتى. ارمەنيا دەنساۋلىق ساقتاۋ مينيسترلىگىنىڭ حابارلاۋىنشا، ونىڭ ايەلىنە جاسالعان تەست تەرىس ناتيجە كورسەتكەن.

قازىرگى ۋاقىتتا اۋىرعان اداممەن قارىم- قاتىناستا بولعان تۇلعالار وقشاۋلانىپ، تساحكادزور قالاسىنداعى «Golden Palacە» قوناقۇيىندە كارانتيندە جاتىر.