اقجارقىن تۇرلىبايدىڭ ءىسى مەملەكەت باسشىسىنىڭ تۇراقتى باقىلاۋىندا - بەرىك ءۋالي

ونىڭ ايتۋىنشا، قىتايدا سوتتالعان قازاقستان ازاماتى اقجارقىن تۇرلىبايدى ەلىمىزگە قايتارۋ ماسەلەسى بۇگىن بۇقارالىق اقپارات قۇرالدارىندا تاعى دا تالقىلانىپ جاتىر. «قاسىم- جومارت توقايەۆ جاقىندا ەلىمىزگە ساپارمەن كەلگەن قىتاي كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى يان تسزەچيمەن اڭگىمەلەسۋ بارىسىندا اقجارقىن تۇرلىبايدىڭ تاعدىرىنا قاتىستى ماسەلەنى تاعى دا كوتەرگەنىن ايتا كەتكەن ءجون.

قازاقستان پرەزيدەنتى بىلتىرعى قىركۇيەك ايىندا بەيجىڭگە جاساعان ساپارىندا ق ح ر باسشىلىعىن اقجارقىن تۇرلىبايدىڭ ىسىنە گۋمانيزممەن قاراپ، ونى قازاقستانعا قايتارۋ ماسەلەسىنە ىقپال ەتۋگە شاقىردى. قاسىم- جومارت كەمەل ۇلى سىرتقى ىستەر مينيسترلىگى مەن قۇقىق قورعاۋ ورگاندارىنا قىتايلىق ارىپتەستەرىمەن ءوزارا ءىس- قيمىلداردى جالعاستىرۋدى تاپسىردى. بۇل ءىس مەملەكەت باسشىسىنىڭ تۇراقتى باقىلاۋىندا»، - دەپ جازدى بەرىك ءۋالي Facebook-تەگى پاراقشاسىندا.

ەسكە سالا كەتسەك، 21 جاستاعى قازاق قىزى اقجارقىن تۇرلىباي 2014 -جىلدىڭ ناۋرىز ايىندا قىتايدىڭ مالايزيامەن شەكاراسىندا ەسىرتكىمەن ۇستالعان بولاتىن. ونىڭ جۇك سومكەسىنەن 4,5 كەلى ەسىرتكى تابىلدى، اقجارقىن ول تۋرالى بىلمەيتىنىن مالىمدەگەن. وسى ءىس بويىنشا قىتايدىڭ گۋانجوۋ سوتى اقجارقىن تۇرلىبايدى ەسىرتكى كونترابانداسىمەن ايىپتاپ، ءومىر بويىنا باس بوستاندىعىنان ايىردى. ال، 2019 -جىلى 13 -قىركۇيەكتە پرەزيدەنت قاسىم- جومارت توقايەۆ قىتايعا مەملەكەتتىك ساپارى بارىسىندا اقجارقىن تۇرلىبايعا اراشا تۇسكەن بولاتىن. ق ر باس پروكۋراتۋراسى بۇگىن اقجارقىن تۇرلىبايدى قازاقستانعا قايتارۋعا مۇمكىندىك بار ەكەندىگىن مالىمدەگەن ەدى.