قىتايدا كاسىپورىنداردىڭ جۇمىسى قالپىنا كەلتىرىلە باستادى

ول ءۇشىن ءار ادامعا جەكە «دەنساۋلىق كودى» ەنگىزىلدى. قىتايدىڭ ۋحان قالاسىندا كوروناۆيرۋس ىندەتىنىڭ باسەڭدەۋىنە بايلانىستى ءبىرقاتار كاسىپورىنداردىڭ جۇمىسىن قايتا باستاۋ جوسپارلانىپ وتىر، دەپ حابارلادى ر ي ا.

باستاپقىدا ۇلتتىق ەكونوميكانىڭ دامۋى مەن حالىقتىڭ ءال- اۋقاتىن جاقسارتۋ ءۇشىن ەڭ ماڭىزدى كاسىپورىندار جۇمىسىن باستاماق. سونداي- اق قالانى سۋمەن جانە ەلەكترمەن، جىلۋمەن قامتاماسىز ەتەتىن كاسىپورىندار، مۇناي- گاز، بايلانىس سالاسىنداعى، مەديتسينالىق قالدىقتاردى قايتا وڭدەۋمەن اينالىساتىن كاسىپورىنداردىڭ جۇمىسىن باستاۋ جوسپارلانۋدا. سونىمەن قاتار دۇكەندەر، جەتكىزۋ قىزمەتتەرى، قويمالار مەن ەلەكتروندى ساۋدا كومپانيالارىنىڭ دا قالىپتى جۇمىسقا ورالۋىنا رۇقسات ەتىلگەن. باسقا كومپانيالار 20 - ناۋرىزدان كەيىن ءوز جۇمىستارىن باستايدى.

www.24.kz