ۇلى بريتانيانىڭ دەنساۋلىق ساقتاۋ ءمينيسترى كوروناۆيرۋس جۇقتىرعان

بۇل تۋرالى قازاقپارات ВВС اگەنتتىگىنە سىلتەمە جاساپ حابارلايدى.

دورريس - كوروناۆيرۋس جۇقتىرعان پارلامەنتتىڭ العاشقى مۇشەسى. ونىڭ اعزاسىنان ۆيرۋس تابىلعاننان كەيىن ول بارلىق ۇسىنىلعان ساقتىق شارالارىن قابىلداپ، ءۇي كارانتينىندە قالدى.

ونىڭ حابارلاماسىندا انگليانىڭ قوعامدىق دەنساۋلىق ساقتاۋ قىزمەتى دەپۋتاتپەن بايلانىسقا تۇسكەن ادامداردى ىزدەۋ باستالعانى ايتىلعان. دورريس وزىمەن ءبىر ۇيدە تۇراتىن 84 جاستاعى اناسىنىڭ دەنساۋلىعىنا الاڭداۋلى ەكەنىن حابارلادى. سەيسەنبى كۇنى دەپۋتاتتىڭ اناسى جوتەلىپ اۋىرعان.

دەنساۋلىق ساقتاۋ مينيسترلىگى دورريستى اۋرۋ بەلگىلەرى بەيسەنبى كۇنى پايدا بولعانىن مالىمدەدى. سول كۇنى ول پرەمەر-مينيستر ۇيىمداستىرعان داۋنينگ-ستريت شاراسىندا بولعان.

انگليانىڭ قوعامدىق دەنساۋلىق ساقتاۋ قىزمەتى ۇلى بريتانيا بويىنشا بارلىعى 25000 تەست جاساعانىن ايتىپ ءوتتى.

ەسكە سالا كەتەيىك، ۇلى بريتانيادا ۆيرۋستان التى ادام كوز جۇمدى. وسىلايشا اۋىرعاندار سانى 382 ادامعا جەتتى. ولاردىڭ ىشىندە انگليادا 324 ادام، شوتلانديادا 27ب سولتۇستىك يرلانديادا 16 جانە ۋەلستە 15 ادام.

سىرتقى ىستەر مينيسترلىگى ۇلى بريتانياعا يتاليادان كەلگەندەردىڭ بارلىعىنا 14 كۇنگە ءوزىن-ءوزى وقشاۋلاۋعا كەڭەس بەردى.

British Airways يتالياعا جانە كەرى قاراي ۇشاتىن بارلىق رەيستى 4- ساۋىرگە دەيىن توقتاتتى جانە كومپانيا قىزمەتكەرلەرىنەن اقىسى تولەنبەيتىن دەمالىس الۋلارىن سۇرادى.