تۇمان، كوكتايعاق، شاڭدى داۋىل - سارسەنبىگە ارنالعان اۋا رايى

قازاقستان اۋماعىنىڭ باسىم بولىگى ءالى دە انتيتسيكلون جوتاسىنىڭ ىقپالىندا بولعاندىقتان، كوبىنەسە جاۋىن-شاشىنسىز اۋا رايى كۇتىلەدى. تەك قازاقستاننىڭ سولتۇستىگىندە، سولتۇستىك-باتىسىندا، ورتالىعى مەن شىعىسىندا فرونتالدى بولىكتەردىڭ وتۋىنە بايلانىستى كەي جەرلەردە جاۋىن-شاشىن (قار، جاڭبىر) جاۋادى، جەل كۇشەيەدى، جاياۋ بۇرقاسىن كۇتىلەدى، وڭتۇستىك-شىعىستا شاڭدى داۋىل سوعادى.

رەسپۋبليكانىڭ كەي جەرلەرىندە تۇمان جانە كوكتايعاق كۇتىلەدى.

ماڭعىستاۋ وبلىسىنىڭ كەي جەرلەرىندە شاڭدى داۋىل سوعىپ، جەلدىڭ جىلدامدىعى 15-20، ەكپىنى 23 م/س جەتەدى.

جامبىل، سولتۇستىك قازاقستان وبلىستارىنىڭ كەي جەرلەرىندە تۇمان كۇتىلەدى، كۇندىز كەي جەرلەردە جەل 15-20 م/س كۇشەيەدى. شىعىس قازاقستان وبلىسىنىڭ كەي جەرلەرىندە جەل 15-20 م/س جىلدامدىقپەن سوعىپ، تۇندە كەي جەرلەردە جاياۋ بۇرقاسىن، كوكتايعاق كۇتىلەدى.

قاراعاندى، قوستاناي وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولادى.

اقمولا وبلىسىنىڭ كەي جەرلەرىندە تۇمان، كوكتايعاق كۇتىلەدى. پاۆلودار، تۇندە جانە تاڭەرتەڭ اتىراۋ وبلىستارىنىڭ كەي جەرلەرىندە تۇمان تۇسەدى.