كۇنىنە قانشا جۇمىرتقا جەگەن دۇرىس؟

مۇنى گارۆارد ۋنيۆەرسيتەتىنىڭ قوعامدىق دەنساۋلىق ساقتاۋ مەكتەبىنىڭ ماماندارى ايتىپ وتىر، دەپ حابارلايدى CNN Health.

تاماق تانۋ كافەدراسىنىڭ مەڭگەرۋشىسى فرەنك حۋدىڭ ايتۋىنشا، ادام كۇنىنە ءبىر نە ەكى جۇمىرتقادان اپتاسىنا ءبىر- ەكى رەت قانا جەگەنى ءجون. ودان كوپ جەسە، اعزادا حولەستەرين كوبەيىپ كەتۋى مۇمكىن. ال حولەستەرين تامىردى بىتەپ، قان اينالىمىنا كەدەرگى كەلتىرەدى. عالىمدار كۇنىنە قانشا جۇمىرتقا جەۋ كەرەكتىگىن انىقتاۋ ءۇشىن 34 جىل زەرتتەۋ جۇرگىزگەن ەكەن. ەكسپەريمەنتكە سوزىلمالى دەرتى جوق 215 مىڭ ادام قاتىسقان. ەر ادام دا، ايەل ادام دا بار.

- زەرتتەۋگە قاتىسقانداردىڭ كوبى - كۇنىنە، سالىستىرمالى تۇردە، ءبىر جۇمىرتقا جەيتىن ادامدار. تاڭعى اسقا ەكى جۇمىرتقا جەگەننىڭ وزىندە كوبى اپتاسىنا 2-3 رەت قانا جۇمىرتقا جەيدى. سوندا ورتاشا ەسەپپەن ءبارىبىر ءبىر جۇمىرتقا جەيتىن بولىپ شىعادى، - دەيدى حۋ.

زەرتتەۋ جۇرگىزگەننەن كەيىن عالىمدار 2- تيپتەگى قانت ديابەتىمەن اۋىراتىن جاندارعا جۇمىرتقانى از جەۋ كەرەك دەگەن قورىتىندىعا كەلگەن. ويتكەنى جۇمىرتقا قان تامىرى اۋرۋلارىن اسقىندىرۋى مۇمكىن. ال قالعان ادامدارعا كۇنىنە 1-2 جۇمىرتقا جەسە جەتىپ جاتىر. ازيا قۇرلىعىندا تۇراتىن حالىقتاردا جۇرەك اۋرۋىمەن اۋىراتىندار از. عالىمداردىڭ ايتۋىنشا، ازياتتار جۇمىرتقانى از جەيتىندىكتەن، جۇرەك اۋرۋىنا از شالدىعادى. ال ەۋروپا پەن امەريكا تۇرعىندارى - جۇمىرتقا كوپ جەيتىندەر.

Massaget.kz