پاۆلوداردا ادام ولتىرگەنى ءۇشىن سوتتالعان ەر ادام قارتتارعا شاركە تىگىپ بەردى

«حالىقارالىق ايەلدەر كۇنىن مەرەكەلەۋ قارساڭىندا پاۆلودار وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ اپ-162/4 مەكەمەسىندە جازاسىن وتەپ جۇرگەن ەر ادام پاۆلودار قالاسى قارتتار ءۇيىنىڭ قاريالارىنا 30 جۇپ ءۇي شاركەسىن تىكتى»، - دەپ حابارلادى پاۆلودار وبلىستىق ق ا ج دەپارتامەنتى باسپا ءسوز قىزمەتىنەن.

الەكسەي ادام ولتىرگەنى ءۇشىن جازاسىن 2014 -جىلدان بەرى وتەپ ءجۇر. وعان تۇرمەدە وتىرۋعا تاعى ەكى جىل قالدى.

«وسىندا ءجۇرىپ، كوپ نارسە ۇقتىم، وزىمە ءتۇيىن جاساپ، وزگەردىم. بوستاندىقتى، جاقىندارىڭنىڭ قاسىندا بولعانىن باعالاي ءبىلۋ كەرەك ەكەنىن تۇسىنە ءبىلدىم. بۇل شاركەلەردى جىلۋعا مۇقتاج جاندارعا ادەيىلەپ تىكتىم. گازەتتەن 2020 -جىل - ەرىكتىلەر جىلى ەكەنىن وقىدىم. تۇرمەدە وتىرعانىما قاراماستان، كوپشىلىككە ءبىر پايدامدى تيگىزگىم كەلدى»، - دەپ وي ءبولىستى الەكسەي.

سوتتالۋشىنىڭ سىيلىعى پاۆلودار وبلىستىق قارتتار مەن مۇگەدەكتەرگە ارنايى الەۋمەتتىك قىزمەت كورسەتۋ ورتالىعىنىڭ جانىنداعى پاللياتيۆتىك كومەك بولىمىنە جىبەرىلدى.