يتاليادا كوروناۆيرۋس جۇقتىرعاندار سانى كەنەتتەن ارتتى

ال ۆيرۋستى جۇقتىرعانداردىڭ قاراسى 1 مىڭ 300-گە ارتىپ، دەرتكە شالدىققاندار 7 مىڭ 370-تەن استى. وسىلايشا اپەننين تۇبەگى «كوۆيد19» - دىڭ تارالۋى بويىنشا قىتايدان كەيىن ەكىنشى ورىنعا شىقتى.

اۋرۋدىڭ ورشۋىنە بايلانىستى ەلدىڭ سولتۇستىگىندەگى 15 پروۆينتسيا ءساۋىردىڭ 3-ىنە دەيىن كارانتينگە جابىلدى. 16 ميلليون حالىق تۇراتىن وڭىرلەرگە كىرىپ شىعۋعا تىيىم سالىنعان. بارلىق مەكتەپتەر، وقۋ ورىندارى، مۇراجايلار جانە سپورتزالدار جابىلدى. بيلىك قاجەت بولسا وزگە دە شارالاردى ەنگىزەتىنىن مالىمدەپ وتىر.

دجۋزەپپە كونتە، يتاليا پرەمەر- ءمينيسترى:

- ءبىز ۇلتتىق دەڭگەيدەگى توتەنشە جاعدايمەن بەتپە بەت كەلىپ وتىرمىز. ەندى ىندەتتىڭ تارالۋىن باسەڭدەتۋ ءۇشىن جانە ءبىزدىڭ دارىگەرلەر بۇل دەرتپەن كۇرەسە المايتىنداي جاعداي تۋىنداپ كەتپەس ءۇشىن شۇعىل شەشىم قابىلدادىق. ياعني تىيىمدى كوبەيتتىك، بۇل شەكتەۋلەر قوعامدا قولايسىزدىق تۋعىزاتىنىن تۇسىنەمىز. ءبىراق باسقا امال جوق. تۇپتەپ كەلگەندە ول شەشىم ەڭ الدىمەن سول حالىقتىڭ دەنساۋلىعىن ساقتاۋعا باعىتتالعانىن ءبارى تۇسىنەدى دەپ ويلايمىن.

www.24.kz