لاتىن امەريكاسىندا كوروناۆيرۋستان ءبىرىنشى ادام ءولىمى تىركەلدى

بۇل لاتىن امەريكاسىنداعى ۆيرۋستان ءبىرىنشى ادام ءولىمى، دەپ حابارلايدى قازاقپارات ABC News اگەنتتىگىنە سىلتەمە جاساپ.

ارگەنتينا دەنساۋلىق ساقتاۋ مينيسترلىگىنىڭ مالىمدەۋىنشە، بۋەنوس-ايرەس تۇرعىنى بولعان پاتسيەنت تاياۋدا ەۋروپاعا بارعان كەزىندە COVID-19 ۆيرۋسىن جۇقتىرىپ كەلگەن. تاراتىلعان مالىمەتكە سايكەس، ناۋقاس بۇيرەك جەتىسپەۋشىلىگىمەن، ديابەتپەن، گيپەرتونيامەن برونحيتپەن اۋىرعان. ول سارسەنبى كۇنى اۋرۋحاناعا تۇسكەن ساتتەن بەرى جاقساقتاۋ بولىمىندە جاتقان. قازىرگى ۋاقىتتا ەل بيلىگى قازا تاپقان ازاماتتىڭ ەۋروپادان كەلگەننەن كەيىن كىمدەرمەن قارىم- قاتىناستا بولعانىن انىقتاۋعا تىرىسىپ جاتىر.

ايتا كەتەرلىگى، لاتىن امەريكاسىندا كوروناۆيرۋس جۇقتىرۋدىڭ جاڭا دەرەكتەرى ارتىپ كەلە جاتىر. پەرۋدە COVID-19 ۆيرۋسىن جۇقتىرعان تاعى 5 دەرەك ناقتىلاندى. بۇعان دەيىن بۇل ەلدە ءبىر ادامنان كوروناۆيرۋ انىقتالعان ەدى.

پاراگۆايدا دا ءبىر ادامنان كوروناۆيرۋس تابىلدى. ال چيليدە بۇگىن COVID-19 ۆيرۋسىن جۇقتىرۋدىڭ 7 ناقتىلانعان دەرەگى تىركەلدى. كوستا- ريكا دەنساۋلىق ساقتاۋ مينيسترلىگى كوروناۆيرۋس جۇقتىرۋدىڭ جاڭا 4 وقيعاسىن راستاپ وتىر. وسى دەمالىس كۇندەرى مەكسيكا، برازيليا، ەكۆادور، كولۋمبيا ەلدەرى دە كوروناۆيرۋسقا شالدىققانداردىڭ بار ەكەندىگىن رەسمي حابارلادى.