و پ ە ك جانە رەسەي مۇناي ءوندىرۋدى ازايتۋ بويىنشا كەلىسىمگە كەلە المادى

كوروناۆيرۋستىڭ حالىقارالىق ەكونوميكاعا اسەرىنە الاڭداعان و پ ە ك پەن ماسكەۋ مۇناي باعاسى قۇلدىراپ كەتپەس ءۇشىن ءوندىرىس كولەمىن ازايتۋعا كەلىسەمىز دەپ ۇمىتتەنگەن.

الايدا 6 - ناۋرىزدا و پ ە ك باس حاتشىسى مۇحاممەد باركيندو ەكى كۇندىك كەزدەسۋدىڭ ءساتسىز اياقتالعانىن مالىمدەدى.

«اقىرى وتىرىستى اياقتاپ، تاراۋ تۋرالى شەشىم قابىلدادىق» دەدى ول.

جيىن اياقتالعاننان كەيىن حالىقارالىق ساۋدا نارىعىندا مۇناي باعاسى بىردەن 10 پايىزعا ارزاندادى. جىل باسىنان بەرى «قارا التىن» قۇنى شامامەن 30 پايىزعا ارزانداعان.

و پ ە ك- كە مۇشە 17 مەملەكەت مۇناي ءوندىرۋدى تاۋلىگىنە 1,5 ميلليون باررەلگە دەيىن ازايتقىسى كەلگەن (بۇل الەمدىك ءوندىرىستىڭ شامامەن 1,5 پايىزىن قۇرايدى). الايدا ساۋد ارابياسى جانە يران ۇيىمعا مۇشە ەمەس وزگە ءىرى وندىرۋشىلەر (اراسىندا رەسەي دە بار) كۇن سايىنعى ءوندىرىستى 500 مىڭ باررەلگە ازايتۋى ءتيىس دەگەن. ال رەسەي بۇعان كەلىسپەگەن.