كوپشىلىك ادام پورتالعا قاتىستى اقپاراتتاردى بىلە بەرمەيدى - د س م

«اۋرۋحاناعا جوسپارلى تۇردە جاتۋ ءۇشىن الدىمەن پورتالعا تىركەلۋ كەرەك ەكەنىن كوبى بىلەدى، ءبىراق تۇرعىنداردىڭ ارىز- شاعىمىنىڭ 25 پايىزى پورتالمەن بايلانىستى. مىسالى، پورتال ارقىلى كەزەك كۇتۋ ۋاقىتى ۇزاق ەكەندىگىنە، ايماقتىق نەمەسە رەسپۋبليكالىق اۋرۋحانا پورتالدى جاۋىپ تاستاعانىنا، پورتالدىڭ اشىلماي تۇرعانىنا، اۋرۋحانا پورتال ارقىلى قابىلدامايتىنىنا قاتىستى شاعىمدار. نەگىزى ستاتيستيكا بويىنشا، پورتال ارقىلى كۇتۋ ۋاقىتى 3 اپتادان اسپايدى»، - دەيدى ق ر دەنساۋلىق ساقتاۋ مينيسترلىگى سيفرلاندىرۋ وفيسىنىڭ باسپا ءسوز حابارلاماسىندا.

ونىڭ ايتۋىنشا، ازاماتتار پورتالعا قويىلعان- قويىلماعانىن قالاي تەكسەرۋ كەرەكتىگىن بىلمەيدى.

«بۇل ماسەلەنى شەشۋ ءۇشىن قازاقستان رەسپۋبليكاسى اۋماعىندا www.bg.eisz.kz پورتالى جۇمىس ىستەيدى. بۇل جەردە ءسىز ج س ن، اتى- ءجونىڭىز بەن تەگىڭىزدى ەنگىزۋ ارقىلى اۋرۋحاناعا جوسپارلى تۇردە جاتۋدىڭ ۋاقىتى مەن ورنىن، بارلىق ايماقتىق جانە رەسپۋبليكالىق اۋرۋحانالارداعى كۇتۋ پاراعىن جانە تولىق اقپارات ءبىلۋ ءۇشىن ءار ايماق بويىنشا بايلانىس نومىرلەرىن كورە الاسىز»، - دەيدى باسپا ءسوز حاتشىسى.

ايتا كەتۋ كەرەك، قازىرگى ۋاقىتتا ق ر دەنساۋلىق ساقتاۋ مينيسترلىگى egov.kz-پەن بىرىگىپ اۋرۋحاناعا جوسپارلى تۇردە جاتۋ ۋاقىتى مەن ورنى تۋرالى سمس- حابارلامانى اۆتوماتتى تۇردە جىبەرەتىن باعدارلاما دايىنداپ جاتىر.

اۆتور زارينا قاھارمان