اركتيكانىڭ وزون قاباتى جۇقارىپ بارادى

- ءبىزدىڭ بولجام بويىنشا، 2020 -جىلدىڭ ناۋرىز جانە ءساۋىر ايلارىندا وزون قاباتىنىڭ جۇقارۋى ەڭ تومەنگى دەڭگەيگە جەتپەك. ياعني، وزون قاباتىنىڭ قالىڭدىعى 30-40 بىرلىك دوبسونعا (ولشەۋ بىرلىگى) دەيىن جۇقارماق. ال وزون قاباتىنىڭ نەگىزگى قالىڭدىعى 260 بىرلىك دوبسونعا تەڭ. بۇعان دەيىن وزون 220 بىرلىك دوبسونعا دەيىن عانا جۇقارعان ەدى، - دەيدى ف گ ب ۋ «س ا و» عالىمدارى.

اركتيكاداعى وزوننىڭ بۇلاي جۇقارۋىنا بيىل مۇز باسقان ايماقتىڭ ستراتوسفەراسىندا ەڭ سۋىق تەمپەراتۋرانىڭ كەسىرىنەن پايدا بولعان پوليار قۇيىنى اسەر ەتكەن.

- وزون قاباتى - جەرگە كەلەتىن ۋلتراكۇلگىن ساۋلەگە توسقاۋىل قوياتىن قورعانىش قابىق. ەگەر ول جۇقارسا، جەرگە تۇسەتىن ۋلتراكۇلگىن كوبەيىپ، رادياتسيا تارالادى. ال بۇل ادام دەنساۋلىعىنا زيان، - دەيدى عالىمدار.

سوڭعى رەت وزون قاباتىنىڭ جۇقارۋى 2011 -جىلى بولعان ەدى. ول كەزدە جەر بەتىنە رادياتسيا تاراپ، سولتۇستىك جارتى شار ايماقتارى مەن ماسكەۋگە دەيىن جەتكەن بولاتىن. ەندى عالىمدار وزون قاباتى جۇقارعان كەزدە، كۇن بۇلتتى بولسا ەكەن دەپ تىلەپ وتىر. ويتكەنى بۇلتتا ۋلتراكۇلگىن ساۋلەنى كەرى شاعىلىستىرا الاتىن قابىلەتى بار.

Massaget.kz