كوروناۆيرۋس: نورۆەگيا پارلامەنتى ءىس ساپارلارعا شىقپايتىنىن ءمالىم ەتتى

الدىڭعى كۇنى عانا «COVID 19» - عا شالدىعۋدىڭ 33 جاعدايى تىركەلگەن بولسا، بۇگىن ولاردىڭ سانى 89 عا جەتتى، دەپ حابارلايدى قازاقپارات.

قوعامدىق دەنساۋلىق ساقتاۋ دەپارتامەنتى 5- ناۋرىز كۇنى جاريالاعان مالىمەتكە سايكەس، جاڭا ۆيرۋس نورۆەگياعا نەگىزىنەن يتاليادان كەلگەن، سونداي-اق كوروناۆيرۋسقا شالدىققاندار ۇيدەگى كارانتين تالاپتارىن دۇرىس ساقتاماۋدان ورشىگەن.

نورۆەگيانىڭ دەنساۋلىق ساقتاۋ مەكەمەلەرى الداعى ۋاقىتتا ينفەكتسيانىڭ تارالۋى جاڭا كەزەڭگە وتەتىنىن جوققا شىعارمايدى. ولاردىڭ پايىمىنشا، بۇل كەزەڭدە ۆيرۋستىڭ ودان ارى تارالۋىنىڭ الدىن الۋ ءۇشىن اناعۇرلىم تۇبەگەيلى شارالار قاجەت بولۋى مۇمكىن.

نورۆەگيانىڭ ءبىلىم جانە عىلىم مينيسترلىگى مەكتەپتەردىڭ ءبىلىم بەرۋ پروتسەسىنە ەنگىزىلگەن وزگەرىستەردى ءمالىم ەتتى. ال پارلامەنت ءتوراعاسى الداعى ەكى ايعا ەل ىشىندە جانە شەتەلگە جوسپارلانعان بارلىق ءىس ساپارلارعا تىيىم سالدى. بۇدان بولەك، الداعى دەمالىس كۇندەرى بەلگىلى حولمەنكوللەن شاڭعى- ترامپلين كەشەنىندە ۇيىمداستىرىلاتىن شاڭعى جارىسىنان الەم كۋبوگى كەزەڭى كورەرمەندەرسىز وتپەك.