مۇحتار ءابىليازوۆتىڭ سىبايلاسى بىرىككەن اراب امىرلىكتەرىنەن ۇستالدى
نۇر- سۇلتان. قازاقپارات - بىرىككەن اراب امىرلىكتەرىنەن مۇحتار ءابىليازوۆتىڭ سىبايلاسى ەكستراديسيالاندى. بۇل تۋرالى قازاقپارات باس پروكۋراتۋرانىڭ باسپا ءسوز قىزمەتىنە سىلتەمە جاساپ حابارلايدى.
باس پروكۋراتۋرا مەن سىبايلاس جەمقورلىققا قارسى ءىس- قيمىل اگەنتتىگىنىڭ قىزمەتكەرلەرى بىرىككەن اراب امىرلىكتەرىنەن بتا بانكىنىڭ بۇرىنعى باسقارۋشى ديرەكتورى رۋستام يبراگيموۆتى قازاقستانعا ەكستراديتسيالادى.
يبراگيموۆ بتا بانكىنىڭ 250 ميلليون ا ق ش دوللارى قاراجاتىن مۇحتار ءابىليازوۆتىڭ ۇيىمداسقان قىلمىستىق توبىنىڭ مۇشەلەرىمەن بىرلەسىپ جاساعان ۇرلىعى ءۇشىن ىزدەۋدە بولعان.
قىلمىستىق جاۋاپكەرشىلىكتەن جالتارۋ ماقساتىندا ول، ب ا ءا- دە قىرعىزستان ازاماتىنىڭ جالعان ءتولقۇجاتىن پايدالانىپ جاسىرىنعان.
الايدا، قازاقستاندىق قۇقىق قورعاۋ ورگاندارىنىڭ اراب جانە قىرعىز ارىپتەستەرىمەن بىرلەسە اتقارعان جۇمىسىنىڭ ناتيجەسىندە، سونداي- اق ب ا ءا- دەگى قازاقستان ەلشىلىگىنىڭ كومەگىمەن جوعارىدا اتالعان ءتولقۇجات زاڭسىز دەپ تانىلىپ، قىلمىسكەر ۇستالىپ قازاقستان رەسپۋبليكاسىنا ەكستراديتسيالاندى.
قازىرگى ۋاقىتتا يبراگيموۆ الماتىداعى تەرگەۋ يزولياتورىنا قامالدى.
