سەرىك احمەتوۆتىڭ جازا مەرزىمى قىسقاردى

ول قاراعاندى وبلىسىنىڭ اكىمى لاۋازىمىندا بولعان كەزدە جاساعان سىبايلاس جەمقورلىق قىلمىسى ءۇشىن 10 جىلعا سوتتالعان ەدى دەپ حابارلايدى KAZ. NUR. KZ.

مەرزىمدى قىسقارتۋ تۋرالى قاۋلى قاراعاندىدا قابىلداندى. بۇعان زاڭداعى جاڭا نورمالار سەبەپ بولدى.

ەگەر بۇعان دەيىن تيزو- دا وتكەن 1 كۇن كولونيادا بولعان 1 كۇنگە تەڭ بولسا، وتكەن جىلدىڭ 27- جەلتوقسانىنان باستاپ يزولياتوردا بولعان تاۋلىك ق ا ج مەكەمەلەرىندە 1 تاۋلىككە جانە 12 ساعاتقا تەڭ.

پروباتسيا قىزمەتىنىڭ باسشىسى سوتقا جۇگىندى. ونىڭ ۇسىنىسى احمەتوۆتىڭ جاقسى مىنەز-قۇلقىنا بايلانىستى ەمەس. پروباتسيا باسشىسى مۇنى زاڭدىلىقتى ساقتاۋ ءۇشىن جاساۋعا مىندەتتى ەدى.

سۋديا باس تارتۋ ءۇشىن سەبەپ تاپپادى، ويتكەنى زاڭنىڭ تالاپتارى مىندەتتى تۇردە ورىندالۋى قاجەت.

وسىعان بايلانىستى سەرىك احمەتوۆتىڭ مەرزىمى قىسقارتىلدى. وتىرىسقا قاتىسقان ەكى پروكۋرور پروباتسيا قىزمەتى بەرگەن ۇسىنىمنىڭ زاڭدىلىعىن راستادى.

ولار جاڭا زاڭ ءوز كۇشىنە ەنگەندىكتەن ءوتىنىش قاناعاتتاندىرىلاتىنىن ايتتى.

الدىن الا مالىمەت بويىنشا، بۇرىنعى جوعارى لاۋازىمدى شەنەۋنىكتىڭ مەرزىمى ءبىر جارىم ايعا قىسقارتىلدى.