قازاقستاندا كوروناۆيرۋس ينفەكسياسىنىڭ الدىن الۋ شارالارى كۇشەيتىلدى

«وسى قاۋلىعى سايكەس، ءبىرىنشى كاتەگورياداعى ەلدەردىڭ ىشىندە ەكى توپ، ياعني 1 ا جانە 1 ب بار. 1 ا ساناتىنا كىرەتىن ازاماتتار ستاتسيوناردا 14 كۇندىك مەرزىمدە كارانتينگە جاتقىزىلادى. الايدا بۇل شارا رەسمي جانە ۇكىمەتتىك دەلەگاتسيالار، سونداي- اق قىزمەتتىك جانە ديپلوماتيالىق پاسپورتتارىنىڭ يەلەرىنە، اۋە كومپانيالارىنىڭ ۇشقىشتارى مەن ەكيپاج مۇشەلەرى، لوكوموتيۆ بريگادالارى، تەمىرجول كولىگىمەن بايلانىستى تۇلعالار جانە حالىقارالىق اۆتوكولىك تاسىمالدارىمەن اينالىساتىن جۇرگىزۋشىلەرگە قاتىستى ەمەس. ولار تەلەفونعا قوڭىراۋ شالۋ ارقىلى تەك دارىگەردىڭ باقىلاۋىندا بولادى. سونىمەن بۇل ساناتقا كىرەتىن ەلدەر: ق ح ر جانە يران يسلام رەسپۋبليكاسى» ، - دەدى قازمەديادا وتكەن باسپا ءسوز ءماسليحاتىندا دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ.

قاۋلىعا سايكەس، ەكىنشى ساناتتاعى ەلدەر ءۇشىن ۇيدە وقشاۋلاۋ نەمەسە ءۇي كارانتينى ءتارتىبى ەنگىزىلگەن. بۇل ساناتتاعى ەلدەردەن كەلگەن ادامدار ق ر- نىڭ شەكاراسىنان وتكەن كۇننەن باستاپ 14 كۇن ىشىندە تۇرعىلىقتى جەرى بويىنشا بارلىق تالاپقا سايكەس ۇيدە كارانتين بولادى. بۇل شارا دا رەسمي جانە ۇكىمەتتىك دەلەگاتسيالار، سونداي- اق قىزمەتتىك جانە ديپلوماتيالىق پاسپورتتارىنىڭ يەلەرىنە، اۋە كومپانيالارىنىڭ ۇشقىشتارى مەن ەكيپاج مۇشەلەرى، لوكوموتيۆ بريگادالارى، تەمىرجول كولىگىمەن بايلانىستى تۇلعالار جانە حالىقارالىق اۆتوكولىك تاسىمالدارىمەن اينالىساتىن جۇرگىزۋشىلەرگە قاتىستى ەمەس. ولار تەلەفونعا قوڭىراۋ شالۋ ارقىلى تەك دارىگەردىڭ باقىلاۋىنا الىنباق. بۇل ساناتقا كىرەتىن ەلدەر: وڭتۇستىك كورەيا، قىتايدىڭ گونك- كونگ ارنايى اكىمشىلىك اۋدانى، سول سياقتى ماكاو، تايۆان، جاپونيا جانە يتاليا.

«ەكىنشى ساناتتاعى ەلدەردەن كەلگەن ادامداردىڭ قازاقستان رەسپۋبليكاسىنىڭ شەكاراسىنان وتكەن كۇننەن باستاپ 14 كۇننىڭ ىشىندە قوڭىراۋ شالۋ ارقىلى تۇرعىلىقتى جەرى بويىنشا مەديتسينالىق قىزمەتكەرلەرمەن باقىلانادى. رەسمي جانە ۇكىمەتتىك دەلەگاتسيالار، سونداي- اق قىزمەتتىك جانە ديپلوماتيالىق پاسپورتتارىنىڭ يەلەرى، اۋە كومپانيالارىنىڭ ۇشقىشتارى مەن ەكيپاج مۇشەلەرى، لوكوموتيۆ بريگادالارى، تەمىرجول كولىگىمەن بايلانىستى تۇلعالار جانە 1 ا جانە 1 ب ساناتتاعى ەلدەردەن حالىقارالىق اۆتوكولىك تاسىمالدارىمەن اينالىساتىن جۇرگىزۋشىلەر تۇرعىلىقتى جەرى بويىنشا مەديتسينالىق باقىلاۋدان وتەدى. ولار تەلەفونعا قوڭىراۋ شالۋ ارقىلى تەك دارىگەردىڭ باقىلاۋىندا بولادى. بۇل ساناتقا كىرەتىن ەلدەر: فرانسيا، گەرمانيا، تايلاند جانە ازەربايجان»، - دەدى دياس احمەتشارىپ.

ءۇشىنشى ساناتقا كىرەتىن ەلدەر: ب ا ءا، يسپانيا، مالايزيا، يراك، شۆەيتساريا، ۇلى بريتانيا، باحرەين، كۋۆەيت، سينگاپۋر جانە ا ق ش. ولار ءۇشىن تەك ەسەپكە الۋ ءتارتىبى بار. ياعني ول ەلدەردەن كەلگەندەر شەكاراعا كەلگەن كەزدە ساۋالناما تاپسىرادى.

اۆتور: ايان بەكەن ۇلى