قول الىپ امانداسۋدان باس تارتىپ، سالەم بەرۋگە كوشۋ كەرەك - تورەگەلدى شارمانوۆ

مۇنداي ۇسىنىستى س. اسفەندياروۆ اتىنداعى قازاق ۇلتتىق ۋنيۆەرسيتەتىنىڭ قۇرمەتتى پروفەسسورى، قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ جاسادى. الەۋمەتتىك جەلىدە پروفەسسوردىڭ وسىعان قاتىستى ۆيدەوسى بەلسەندى تاراپ جاتىر.

«قازاقتاردىڭ بۇرىن امانداسۋ ءداستۇرى بولعان - قولىن كوكىرەككە قويىپ، ءيىلىپ سالەم سالۋ. ال قازىر بارلىعى قول الىسىپ امانداسادى. بۇل وتە قاۋىپتى. ول ادام قايدان شىقتى؟ ال ەگەر ونىڭ قولىن الماساڭ مەنسىنبەي كەتكەندەي بولاسىڭ. ال بۇل ءبىرىنشى كەزدە گيگيەنالىق تازالىق، دەنساۋلىق كەپىلى»، - دەدى تورەگەلدى شارمانوۆ.

ايتا كەتۋ كەرەك، قازىر كوپتەگەن ەلدە كوروناۆيرۋستىڭ تارالۋىنان سوڭ قول الىپ امانداسۋدى شەكتەپ جاتىر.

قىتايدا پوليتسيا قىزمەتكەرلەرى ارنايى كەزەكشىلىككە شىعىپ، ادامدارعا دىبىس زورايتقىش ارقىلى قول الىسپاۋعا كەڭەس بەرىپ تۇرادى.

ال فرانسيادا بەت ءسۇيىسىپ امانداسۋدى ازايتىپ جاتىر. قازىر بۇل ەلدە ءبىر-ءبىرىنىڭ جۇزىنە جىلى قاراۋدى جەتكىلىكتى ساناپ جاتىر.

جۇقپالى اۋرۋدىڭ تارالۋىن جەدەلدەتەتىن داستۇرلەردەن، سونداي-اق پولشا، جاڭا زەلانديا، رۋمىنيا، يسپانيا، برازيليا ەلدەرىندە دە باس تارتۋدا.

ايتا كەتۋ كەرەك، الەمدە كوروناۆيرۋس جۇقتىرعاندار سانى 90 مىڭنان استى، 3110 ادام كوز جۇمدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەس ءمالىم ەتتى.

سوڭعى 48 ساعاتتا قىتايدان تىسقارى جەردە تىركەلگەن 1848 جاعدايدىڭ %80 ءۇش ەلگە تيەسىلى: يران، يتاليا جانە وڭتۇستىك كورەيا.