ەلوردا اكىمى پارا العان اۋدان اكىمى ءۇشىن وتستاۆكاعا كەتە مە؟
بۇل تۋرالى ق ر مەملەكەتتىك قىزمەت ىستەرى اگەنتتىگى مەملەكەتتىك قىزمەت سالاسىنداعى باقىلاۋ دەپارتامەنتىنىڭ ديرەكتورى ەرلان ساپاروۆ ايتتى، دەپ حابارلايدى قازاقپارات ءتىلشىسى.
«ول ۋاقىتتا قالا اكىمىنىڭ وتساۆكاعا كەتۋىن كوزدەيتىن زاڭداعى وزگەرىستەر قولدانىسقا ەنگىزىلمەگەن بولاتىن. سوندىقتان بۇل تەتىك ەلوردا اكىمىنىڭ وتستاۆكاعا ءوتىنىش بەرۋى ءۇشىن قولدانىلمايدى دەپ سانايمىز»، - دەدى ەرلان ساپاروۆ.
ايتا كەتەيىك، «ق ر مەملەكەتتىك قىزمەتى تۋرالى» زاڭنىڭ مەملەكەتتىك قىزمەتشىلەردىڭ جاۋاپتىلىعى ماسەلەسى بويىنشا ەرەجەلەرى 2019-جىلدىڭ 10- جەلتوقسانىندا قولدانىسقا ەنگىزىلگەن. وعان سايكەس، وبلىس، رەسپۋبليكالىق ماڭىزى بار قالا نەمەسە استانا اكىمدەرى ءوزىنىڭ ورىنباسارى، وزىنە تىكەلەي باعىنىشتى مەملەكەتتىك ساياسي قىزمەتشى، اپپارات باسشىسى نە اۋدان (وبلىستىق ماڭىزى بار قالا)، قالاداعى اۋدان اكىمى سىبايلاس جەمقورلىق قىلمىس جاساعان كەزدە وتستاۆكاعا ءوتىنىش بەرۋى ءتيىس.
ال 2020-جىلدىڭ 17- اقپانىندا ەسىل اۋدانى 2№ اۋداندىق سوتىنىڭ ۇكىمىمەن نۇر-سۇلتان قالاسى «بايقوڭىر» اۋدانىنىڭ بۇرىنعى اكىمى ا. ەسىلوۆ 515000 تەڭگە تۇراتىن ۇيالى تەلەفون تۇرىندە پارا العانى جانە فۋتبول الاڭدارىنىڭ قۇرىلىسى بويىنشا قوسالقى مەردىگەرلىك جۇمىستاردى الۋعا جاردەم بەرگەنى ءۇشىن (ق ك 366-بابىنىڭ 2-بولىگى) كىنالى دەپ تانىلدى.
