كورەياداعى قازاقستاندىقتاردان كوروناۆيرۋس انىقتالسا، جەدەل اقپارات بەرىلەدى
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«ءبىز العاشقى كۇننەن باستاپ-اق وڭتۇستىك كورەيانىڭ اۋرۋلاردى باقىلاۋ جانە الدىن الۋ كورەي ورتالىعىمەن تىعىز بايلانىستا جۇمىس ىستەپ جاتىرمىز. وسى ورتالىق قازاقستاندىقتى اۋرۋحاناعا جاتقىزۋدان جانە تەستىدەن وتكىزۋدەن باس تارتتى. سەبەبى وندا اۋرۋدىڭ سىرتقى بەلگىلەرى جوق. سوندىقتان ول تەستىلەۋدەن وتپەيدى. دەگەنمەن، ءوزى قالاسا، وندا جەكە تارتىپپەن تەستىلەۋدەن وتە الادى»، - دەدى رەسمي وكىل.
سونىمەن قاتار، ول وڭتۇستىك كورەيادا جۇرگەن قازاقستاندىقتار كوروناۆيرۋسقا شالدىقسا اۋرۋلاردى باقىلاۋ جانە الدىن الۋ كورەي ورتالىعى شۇعىل حابار بەرەتىندىگىن ايتتى.
«ەگەر ءبىزدىڭ ازاماتتارىمىزدىڭ بىرىنەن ۆيرۋس انىقتالاتىن بولسا، وندا اتالعان ورتالىق سىرتقى ىستەر مينيسترلىگى ارقىلى بىزگە بىردەن حابار بەرەتىن بولادى. ازىرشە باقىتىمىزعا وراي ءبىزدىڭ قولىمىزدا مۇنداي مالىمەت جوق»، - دەدى ايبەك سمادياروۆ.
