پرەمەر-ءمينيستر وتستاۆكاعا كەتۋ جونىندە ءوتىنىش جازدى
كيەۆ. ۋكرينفورم - قازاقپارات – 3- ناۋرىز كۇنى ۋكراينا پرەمەر-ءمينيسترى الەكسەي گونچارۋك جوعارعى رادا ءتوراعاسىنىڭ اتىنا قىزمەتتەن بوساتۋ تۋرالى ءوتىنىش جازدى، دەپ حابارلايدى قازاقپارات ۋكرينفورم رەسۋرسىنا سىلتەمە جاساپ.
بۇل جونىندە جۋرناليستەرگە «سلۋگا نارودا» فراكسياسىنىڭ مۇشەسى، دەپۋتات الەكساندر كاچۋرا حابارلادى.
«ءيا، بۇگىن ونىڭ ءوتىنىشى بىزگە كەلىپ ءتۇستى»، - دەپ اتاپ ءوتتى كاچۋرا.
ايتا كەتەيىك، بۇعان دەيىن ەل پرەزيدەنتى ۆلاديمير زەلەنسكي «سلۋگا نارودا» فراكسياسىنىڭ وتىرىسىندا ۋكراينا پرەمەر-ءمينيسترى الەكسەي گونچارۋكتى وتستاۆكاعا جىبەرىپ، ونىڭ ورنىنا دەنيس شمىگالدى تاعايىنداۋدى ۇسىنعان ەدى.
ول جايىندا الەكساندر كاچۋرا ءوزىنىڭ Telegram پاراقشاسىندا جازعان.
قوسا كەتەيىك، «سلۋگا نارودا» دەپۋتاتتىق فراكسياسى 3- ناۋرىزداعى وتىرىسىندا الەكسەي گونچارۋكتىڭ ءوتىنىشىن قاناعاتتاندىرۋ تۋرالى شەشىم قابىلدادى. بۇل جونىندە جۋرناليستەرگە حالىق دەپۋتاتى الەكساندر دۋبينسكي حابارلادى.
