كوكشەتاۋدا ءبىر توپ ايەل ەر ادامدى سوققىعا جىقتى

وقيعا 1 - ناۋرىز تاڭعى ساعات التى شاماسىندا تىركەلدى. «102» پۋلتىنە قالاداعى ويىن- ساۋىق ورىندارىنىڭ ءبىرىنىڭ جانىنداعى توبەلەس تۋرالى تەلەفون حابارلاماسى كەلىپ ءتۇستى.

پوليتسيا قىزمەتكەرلەرىنىڭ انىقتاۋى بويىنشا، جانجالعا 43 جاسار ەر ادام جانە 38، 41 جانە 42 جاستاعى 3 ايەل ادام قاتىستى. ولاردىڭ بارلىعى كافەدە وتىردى. ەر ادام ايەلدەر وتىرعان ۇستەلگە كەلىپ، ولاردىڭ اراسىندا كەنەتتەن كيكىلجىڭ باستالعان. مەكەمە اكىمشىلىگى ولاردى دالاعا شىعارىپ جىبەردى. جانجال كەزىندە ەر ادامعا دەنە جاراقاتى كەلتىرىلگەن.

اتالعان فاكتى بويىنشا ق ر قىلمىستىق كودەكسىنىڭ 293-باپ 2-بولىگى (بۇزاقىلىق) بويىنشا سوتقا دەيىنگى تەرگەۋ جۇرگىزىلۋدە. كۇدىكتىلەرگە قاتىستى ءىس جۇرگىزۋ «كەلۋ تۋرالى مىندەتتەمە» شاراسى تاڭدالدى.