مەديتسينالىق ماسكالار كوروناۆيرۋستى جۇقتىرۋ قاۋپىن ارتتىرۋى مۇمكىن بە

CОVID-2019 پاندەمياسىنىڭ سيپاتىن ەسكەرە وتىرىپ، مەديتسينالىق ماسكالار كيۋ قاجەتتىلىگى ءجيى ايتىلىپ ءجۇر. ءتىپتى ماسكالاردىڭ تاپشىلىعى بايقالادى.

ەشقانداي ماسكا ۆيرۋستان قورعاي المايدى – ماماندار

ايوۆا ۋنيۆەرسيتەتىنىڭ مەديتسينا كوللەدجىنىڭ ەپيدەميولوگ مامانى ەلي پەرەنسيەۆيچتىڭ ايتۋىنشا، قاۋىپتى ۆيرۋستان قورعانۋ ءۇشىن ماسكا كيۋدىڭ قاجەتى جوق. سەبەبى ونىڭ ۆيرۋستان قورعايتىنى تۋرالى ەشقانداي دالەل جوق. سونىمەن قاتار كوپشىلىك ماسكالاردى قالاي كيۋ كەرەكتىگىن بىلمەيدى، دەپ حابارلادى hi-news.ru.

ماسكانى تەك اۋىرعان كەزدە كيۋ كەرەك ەگەر ادام تۇماۋمەن نەمەسە كوروناۆيرۋسپەن اۋىرسا، مەديتسينالىق ماسكا ينفەكسيانى باسقا ادامدارعا جۇقتىرماۋعا كومەكتەسەدى. قاۋىپتى ىندەت جۇقتىرعان اداممەن قارىم- قاتىناس جاسايتىن ادامداردىڭ ماسكا كيگەنى ءجون. ونىڭ وزىندە ناۋقاستىڭ ءوزى دە مەديتسينالىق بەتپەردە كيۋى قاجەت.

مەديتسينالىق رەسپيراتور كيەتىندەر ارنايى وقىتىلىپ، ولاردى قالاي دۇرىس كيۋ كەرەكتىگىن بىلەدى. ءبىراق رەسپيراتور بەتتى قانشالىقتى جاقسى جاباتىنىن جانە سۇزگى ماتەريالىنىڭ قانشالىقتى ساپالى ەكەنىن ەسكەرگەن ءجون. سوندىقتان مەديتسينالىق ماسكالاردىڭ ۆيرۋستى جۇقتىرۋ قاۋپىنەن قورعايتىنىنا كەپىلدىك جوق. سونىمەن قاتار قورعانىس ماسكاسىن دۇرىس قولدانباۋ ينفەكسيانىڭ پايدا بولۋ قاۋپىن ارتتىرۋى مۇمكىن. ەگەر ماسكانى شەشىپ تاستاماس بۇرىن جانە ونى شەشكەننەن كەيىن قولدى جۋماۋ ينفەكتسيا جۇقتىرۋ قاۋپىن ارتتىرادى.

مامانداردىڭ ايتۋىنشا، كوروناۆيرۋستان قورعانۋدىڭ ەڭ جاقسى ءتاسىلى - قولدى سابىنمەن ۇنەمى جۋىپ ءجۇرۋ.

www.24.kz