كوروناۆيرۋستىڭ ءورشۋى دوللارعا قالاي اسەر ەتتى - ۇلتتىق بانك
بۇل تۋرالى ق ر ۇلتتىق بانكىنىڭ باسپا ءسوز قىزمەتى Facebook-تە جاريا ەتتى، دەپ حابارلايدى قازاقپارات ءتىلشىسى.
ق ر ۇلتتىق بانكى سىرتقى ۆاليۋتا نارىعىندا ورىن العان ءبىرقاتار ماڭىزدى وقيعالار تۋرالى تالداۋ جاسادى.
تالداۋعا سايكەس، الەمدە ا ق ش دوللارى دامىعان ەلدەردىڭ ۆاليۋتالارىمەن سالىستىرعاندا السىرەگەن.
كوروناۆيرۋستىڭ قىتايدان تىس جەردە تارالۋىنا بايلانىستى تۋىنداعان قورقىنىش سالدارىنان ينۆەستورلار دامۋشى ەلدەردىڭ اكتيۆتەرىنەن شىعىپ جاتىر.
«يتاليا، وڭتۇستىك كورەيا جانە يران كوروناۆيرۋسپەن اۋىرۋ جاعدايلارىنىڭ كۇرت وسكەنىن حابارلادى، د د س ۇ كوروناۆيرۋس ىندەتىنىڭ قاۋىپتىلىگىن «وتە جوعارى» دەڭگەيگە كوتەردى. ا ق ش فەدەرالدى رەزەرۆ جۇيەسىنىڭ ءتوراعاسى دجەروم پاۋەلل ۆيرۋستىڭ تارالۋى ا ق ش- تىڭ ەكونوميكالىق وسۋىنە «تاۋەكەلدەردى تۋعىزادى» دەدى. قاجەت بولعان جاعدايدا ا ق ش ورتالىق بانكى پايىزدىق مولشەرلەمەلەردى تومەندەتۋگە دايىن ەكەندىگىن ءبىلدىردى»، - دەدى ۇلتتىق بانكتىڭ باسپا ءسوز قىزمەتى.
باس قارجىلىق رەتتەۋشى وسى فاكتورلار ا ق ش دوللارى باعامىنىڭ دامىعان ەلدەردىڭ ۆاليۋتالارىمەن سالىستىرعاندا السىرەۋىنە سوقتىردى دەگەن پايىم ايتتى.
