جامبىل وبلىسىنىڭ اكىمى الەۋمەتتىك سالاداعى جۇمىستاردى سىنعا الدى
«ابايدىڭ 175 جىلدىعىنا ارنايى ۇيىمداستىرىلعان كونسەرت تومەن دەڭگەيدە ءوتتى. العىس ايتۋ كۇنىن وتكىزۋ كەزىندە تەحنيكالىق جاپسىرما ازىرلەنبەگەن. مادەني-كوپشىلىك ءىس-شارالار وتكىزۋ ويداعىداي جولعا قويىلماعان، - دەدى ايماق باسشىسى وبلىستىق اكىمدىكتە وتكەن اپپاراتتىق كەڭەستە.
اسىرەسە اۋىلدىق كىتاپحانالاردىڭ الەۋەتىن كەڭىنەن پايدالانۋ، جاستار اراسىندا رۋحاني- ادامگەرشىلىك باعىتتاعى كىتاپتاردى ناسيحاتتاپ، وقىلىمىن ارتتىرۋ قاجەتتىگى ايتىلدى. جامبىل جەرى تالانتتارعا باي، ولاردىڭ ونەرىن ناسيحاتتاپ، كونسەرتتەر ۇيىمداستىرۋدى جولعا قويۋ كەرەك. اۋدان كۇندەرىن تەك وبلىس ورتالىعىندا عانا ەمەس، اۋدان، اۋىلداردا دا ءجيى وتكىزۋ، باسقا وبلىستاردىڭ شىعارماشىلىق ۇجىمدارىن شاقىرۋدىڭ دا ماڭىزدىلىعى ايتىلدى.
سونداي-اق، وڭىردەن شىققان سپورت ساڭلاقتارى مەن چەمپيونداردىڭ اۋىل بالالارىمەن كەزدەسۋلەرىن ۇيىمداستىرۋ، مەكتەپتەردى سپورتتىق قۇرال- جابدىقتارمەن قامتاماسىز ەتۋ جايى ءسوز بولدى.
ايماق باسشىسى سپورت باسقارماسىنىڭ باسشىسىنا ءبىلىم باسقارماسىمەن بىرلەسىپ اۋدانداردى ارالاپ، جاستاردىڭ بوس ۋاقىتىن ءتيىمدى ۇيىمداستىرۋ ستراتەگياسىن ازىرلەۋدى، ءاربىر اۋىلداعى سپورتتى دامىتۋ جونىندەگى ينسپەكتوردىڭ شتاتىن قاراستىرۋدى تاپسىردى.
ول عانا ەمەس، جيىندا ا ءا ك المايتىن وتباسىلاردىڭ جۇمىسپەن قامتىلۋى، از قامتىلعان وتباسىلارعا كومەك كورسەتۋ ءۇشىن ولاردى كاسىپكەرلەرگە، شارۋا قوجالىقتارىنا بەكىتۋ قاجەتتىلىگى تۋرالى دا باسا ايتىلدى.
ب. ساپاربايەۆ ءالى كۇنگە دەيىن كەپىلدى الەۋمەتتىك پاكەتتەر بەرىلمەيتىنىنە قىنجىلىس تانىتتى. «ەگەر وسى اپتادا الەۋمەتتىك پاكەتتەردى بەرۋ شاراسى ناقتى قولعا الىنباسا، باسقاشا سويلەسەتىن بولامىز»، - دەدى ايماق باسشىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسىنا.
جاستار باسقارماسى «جاس قىران»، «جاس ۇلان»، «جاس سارباز» جاساقتارىنا بالالاردى تارتۋ بويىنشا جۇمىستى جولعا قويۋ، جۇمىسپەن قامتۋ باسقارماسىمەن بىرلەسە وتىرىپ، جاستار اراسىنداعى جۇمىسسىزدىق ماسەلەسىن جويۋ بويىنشا كارتا ازىرلەۋ، جۇمىس بولماعان جاعدايدا كوللەدجدەردە تەگىن وقىتۋ جايى دا ءسوز بولدى.
«جاستار نەگە قوعامدىق ءتارتىپتى بۇزادى؟ ءۇيى مەن كۇيى بولماعاندىقتان! ەگەر ولارعا ارنالىپ ءار ءتۇرلى دەمالىس شارالارى ۇيىمداستىرىلىپ وتىرسا، ولاردىڭ بۇزاقىلىق جاساۋعا ۋاقىتى بولمايدى»، - دەپ ەسەپتەيدى ب. ساپاربايەۆ.
ەرىكتىلەر تەك كوشەلەردى تازالاۋ جانە قاريالارعا كومەك كورسەتۋ ءۇشىن عانا ەمەس، ءومىردىڭ بارلىق سالالارىنا تارتىلۋى ءتيىس. بۇل شارالاردى ىشكى ساياسات باسقارماسى ۇيىمداستىرىپ، باقىلاپ وتىرۋى مىندەت.
«ادامنىڭ ءال- اۋقاتى مەن كوڭىل- كۇيى ونىڭ الەۋمەتتىك ماسەلەلەرىنىڭ شەشىلۋىنە، مەملەكەتتىك قىزمەت كورسەتۋدىڭ ساپاسىنا بايلانىستى. مۇنىڭ ءبارى ويداعىداي اتقارىلسا، تۇرعىندار تاراپىنان نارازىلىقتار بولمايدى»، - دەپ تۇيىندەدى وبلىس اكىمى ءوز ءسوزىن.
باستى مىندەت - ءمامس ەنگىزۋ جانە ا ءا ك تولەۋ ماسەلەلەرىن جەدەل شەشۋ. الدىن الۋ جۇمىستارىنا باسا نازار اۋدارىپ، وبلىستىڭ بارلىق تۇرعىندارىن مىندەتتى مەديتسينالىق ساقتاندىرۋ جۇيەسىندە تىركەۋ قاجەت.
قورداي اۋدانىندا وتكىزىلەتىن مادەني- بۇقارالىق جانە باسقا دا ءىس- شارالاردىڭ تاجىريبەسى بارلىق وبلىس بويىنشا تاراتىلۋى ءتيىس. «تۋعان جەرگە تاعزىم» اكسياسىنا تارتۋ ءۇشىن ءاربىر اۋدان مەن اۋىلدىڭ بەدەلدى تۋمالارىن، كاسىپكەرلەردىڭ ارنايى ءتىزىمىن جاساقتاۋ قاجەت.
جيىن سوڭىندا بەردىبەك ساپاربايەۆ تۇراقتى سەنبىلىكتەر ۇيىمداستىرۋعا جانە كوكتەمگى ەگىس جۇمىستارىن ساپالى جۇرگىزۋگە نازار اۋدارتتى.
