مەديسينالىق ماسكانى شىعارۋ باقىلاۋعا الىنعان - ەرالى توعجانوۆ

نۇر- سۇلتان. قازاقپارات - قازاقستان ۇكىمەتى حالىقتى مەديتسينالىق ماسكامەن قامتاماسىز ەتۋ ماسەلەسىنە قاتىستى كوپتىڭ كوكەيىندە جۇرگەن سۇراقتارعا جاۋاپ بەردى، دەپ حابارلايدى قازاقپارات ءتىلشىسى.

«البەتتە، بۇگىنگى كۇنى كەي جەردە ماسكا شىنىندا دا جەتىسپەۋى مۇمكىن. بۇل ماسەلە العاش كوتەرىلگەن كەزدە دۇربەلەڭنىڭ تۋعانى بەلگىلى. قازاقستاندا عانا ەمەس، ءبىرقاتار ەلدە مۇنداي جاعداي تىركەلدى. سول سەبەپتى بەلگىلى ءبىر جەتىسپەۋشىلىكتىڭ بولعانى راس. ءبىراق قازىر اتالمىش ماسەلە تولىعىمەن مەملەكەتتىڭ باقىلاۋىنا الىندى. ءقازىر حالىقتى ماسكامەن قامتاماسىز ەتۋ ماسەلەسى كۇن تارتىبىندە تۇرعان جوق. مەملەكەت كوروناۆيرۋسقا الاڭداپ وتىر. ال ماسكا ءوز ەلىمىزدە شىعارىلىپ جاتقانىن اتاپ ءوتۋ كەرەك. قازاقستاندى ماسكامەن تولىق قامتاماسىز ەتۋ ماسەلەسى شەشىلەدى»، - دەدى پرەمەر- ءمينيستردىڭ ورىنباسارى ەرالى توعجانوۆ ۇكىمەتتىڭ باسپا ءسوز ورتالىعىندا وتكەن بريفينگ بارىسىندا.

سونىمەن قاتار، ۇكىمەت باسشىسىنىڭ ورىنباسارى ماسكانى شەت ەلدەرگە ساتۋ ماسەلەسى تولىعىمەن باقىلاۋعا الىنعانىنا دا سەندىردى.

«بۇكىل كەدەن ورگانىنا قازاقستان اۋماعىنان تىس ماسكالاردى شىعارۋعا تىيىم سالۋ بويىنشا ناقتى ءارى قاتاڭ تاپسىرما بەرىلدى. قازاقستاننان قىتايعا ماسكا شىعارۋ جاعدايى بولدى»، - دەدى ول.

ءوز كەزەگىندە دەنساۋلىق ساقتاۋ ءمينيسترى ەلجان ءبىرتانوۆ ادام ساۋ بولسا ماسكا تاعۋدىڭ ەشقانداي قاجەتى جوق ەكەنىن ايتادى.

«ەڭ ءبىرىنشى كەزەكتە ءبىز سىرقاتتانعان ادامدار مەن اۋرۋحانالارعا كۇنى بويى ءتۇرلى ينفەكسيالار بويىنشا جۇمىس جۇرگىزەتىن ادامداردى قامتاماسىز ەتۋىمىز كەرەك. سوندىقتان مەديتسينالىق ۇيىمداردىڭ رەزەرۆتەرىن قۇردىق. ەگەر ءسىز سىرقاتتانىپ قالساڭىز، تۋعان- تۋىستارىڭىز بەن جاقىندارىڭىزدىڭ قاۋىپسىزدىگى ءۇشىن ماسكا تاعىپ ءجۇرۋىڭىز كەرەك»، - دەدى ول.

ەسكە سالا كەتسەك ۇكىمەتتە وتكەن باسپا ءسوز ءماسليحاتىندا قر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك قامالييەۆ قازاقستاندىق كاسىپورىندار كۇنىنە 170 مىڭ مەديتسينالىق ماسكا شىعاراتىنىن ايتقان ەدى.

اۆتور ايان بەكەن ۇلى