قازاقستاندىقتار يران مەن وڭتۇستىك كورەيادان قانداي جاعدايدا ەۆاكۋاتسيالانادى؟
بۇل تۋرالى بۇگىن ۇكىمەتتىڭ باسپا ءسوز ورتالىعىندا وتكەن بريفينگتە ق ر سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشيەۆ ءمالىم ەتتى، دەپ حابارلايدى قازاقپارات ءتىلشىسى.
«يران مەن وڭتۇستىك كورەيا بويىنشا: يراندا قازىرگى تاڭدا 170 ازاماتىمىز بار. ەۆاكۋاتسيا تۋرالى ازىرگە ماسەلە جوق. دەگەنمەن، ءبىزدىڭ ەلشىلىك ونداعى ازاماتتارىمىزبەن ءتيىستى جۇمىستى جۇرگىزىپ جاتىر»، - دەدى شاحرات نۇرىشيەۆ.
وتانداستارىمىز يراننان قايتۋدى ءجون دەپ شەشكەن جاعدايدا مينيسترلىك ولارعا ءتيىستى كومەكتى بەرمەك.
«وڭتۇستىك كورەيادا قازاقستاننىڭ 34 مىڭ 600 ازاماتى بار. ول جاققا باعىتتالعان رەيستەر سانى توعىزدان ۇشكە قىسقارتىلدى. ونداعى وتانداستارىمىز ەلگە قايتۋدى ءجون دەپ شەشسە، قايتىپ كەلسىن دەگەن ويمەن وسى رەيستەر قالدىرىلدى»، - دەدى ول.
ونىڭ ايتۋىنشا، قيىن جاعداي تۋىنداسا عانا وتانداستارىمىزدى ەۆاكۋاتسيالاۋ جۇمىستارى جۇرگىزىلەدى.
«سول سەبەپتى قايتۋعا نيەتتى ازاماتتار ازىرگە ءجۇرىپ تۇرعان رەيستەر ارقىلى ەلگە ورالا الادى»، - دەدى ۆيتسە-مينيستر.
