كوروناۆيرۋس: قىتاي ءوز ازاماتتارىن شەتەلدەن ەۆاكۋاتسيالاۋدا
بۇل تۋرالى جەكسەنبى كۇنى ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتتىڭ رەسمي وكىلى مي فەن بريفينگ بارىسىندا ءمالىم ەتتى، دەپ حابارلايدى قازاقپارات.
«اۋرۋحانادان ساۋىعىپ شىققاندار ۇلەسى %52,1 جەتتى. بۇل، كوروناۆيرۋستىڭ الدىن الۋ جانە ىندەتپەن كۇرەس باعىتىنداعى جالپى جاعدايدىڭ جاقسارىپ كەلە جاتقاندىعىن كورسەتەدى»، - دەپ اتاپ ءوتتى مي فەن.
وتكەن جەكسەنبىدە قىتايدا يراننان ورالعان قىتايلىق ەكى ازاماتتان كوروناۆيرۋس انىقتالدى. ەكى ناۋقاس ماسكەۋ ارقىلى قىتايعا ۇشىپ كەلگەن.
قىتايعا كوروناۆيرۋستى «اكەلۋدىڭ» تاعى ءبىر جاعدايى شنجىندە (وڭتۇستىك قىتاي، گۋاندۋن پروۆينتسياسى) تىركەلگەن. ناۋقاس - لوندوننان گونكونگ ارقىلى ۇشىپ كەلگەن 25 جاستاعى ەر ادام.
وزگە ەلدەردەن كوروناۆيرۋستى «اكەلۋ» قاۋپىنە بايلانىستى قىتاي ەندى شەكاراداعى باقىلاۋدى كۇشەيتىپ، كەلەتىن جولاۋشىلارعا قاتىستى شەكتەۋلەر ەنگىزۋدە.
«ەل ۇكىمەتى ءوز ازاماتتارىنىڭ دەنساۋلىعىنا قاۋىپ ءتونىپ تۇرعان جاعدايدا ولاردى شەتەلدەن ەۆاكۋاتسيالاۋعا كومەك كورسەتۋگە نيەتتى»، - دەپ مالىمدەدى ق ح ر س ءى م كونسۋلدىق قىزمەت دەپارتامەنتىنىڭ باسشىسى تسۋي ايمين.
قىتايلىق ديپلومات 10 ازاماتتىق رەيس ۇيىمداستىرىلعانىن جانە بۇگىندە 1,3 مىڭنان استام قىتايلىق ازامات ق ح ر- عا جەتكىزىلگەنىن اتاپ ءوتتى.
سوڭعى مالىمەتتەر بويىنشا، ق ح ر- دا كوروناۆيرۋس جۇقتىرۋدىڭ راستالعان جاعدايلارىنىڭ جالپى سانى – 80026، 2912 ادام كوز جۇمدى، 44462 ادام اۋرۋحانادان ەمدەلىپ شىقتى. ناۋقاستارمەن بايلانىستا بولعان 46219 ادام مەديتسينالىق باقىلاۋدا.
