12:16, 02 - ناۋرىز 2020 | GMT +5
ارمەنيادا العاشقى كوروناۆيرۋس جۇقتىرعان ادام انىقتالدى
ەرەۆان. قازاقپارات – 29- اقپاننان 1- ناۋرىزعا قاراعان ءتۇنى ارمەنيادا كوروناۆيرۋس جۇقتىرۋدىڭ العاشقى جاعدايى انىقتالدى.
ءبىر كۇن بۇرىن يراننان كەلگەن ارمەنيا ازاماتىنىڭ تەستى وڭ ناتيجە كورسەتتى. بۇل تۋرالى قازاقپارات مەنشىكتى ءتىلشىسى ەلدىڭ پرەمەر-ءمينيسترى نيكول پاشينيان مالىمدەمەسىنە سىلتەمە جاساپ حابارلايدى.
كوروناۆيرۋس ينفەكتسياسىن ەلدە العاشقى بولىپ جۇقتىرعان - ارمەنيانىڭ 29 جاستاعى ازاماتى. ول 28- اقپاندا يراننان ارنايى رەيسپەن كەلگەن.
«الدىن الا جاسالعان تەست وڭ ناتيجە كورسەتتى. ال قايتا تاپسىرعان تەست ناتيجەلەرى تۇنگى ساعات ۇشتە بەلگىلى بولدى»، - دەلىنگەن ارمەنيا پرەمەر-ءمينيسترىنىڭ Facebook-تەگى پاراقشاسىندا جاريالانعان مالىمدەمەسىندە
پرەمەر-ءمينيستردىڭ ايتۋىنشا، ۆيرۋس جۇقتىرعان اداممەن بايلانىستا بولعانداردى وقشاۋلاۋ شارالارى جۇرگىزىلۋدە.
